IPLમાં વૉર્નરે નવો રેકોર્ડ નોંધાવ્યો, બન્યો વિશ્વનો ચોથો નંબરનો બેટ્સમેન, જાણો

ટ્વેન્ટી-20માં વૉર્નથી આગળ બ્રેડ હોજ (270 મેચોમાં 7338 રન), ન્યૂઝીલેંડના બ્રેડન મેકુલમ (268 મેચોમાં 7406 રન) અને વેસ્ટઈંડિઝના ક્રિસ ગેલ (287 મેચોમાં 9969) રન છે.

નવી દિલ્લી: ઑસ્ટ્રિલિયાના વિસ્ફોટક બેટ્સમેન અને આઈપીએલમાં સનરાઈઝર્સ હૈદરાબાદના કેપ્ટન ડેવિડ વૉર્નરે ટ્વેન્ટી-20 ક્રિકેટમાં 7000 રન પૂરા કરી લીધા છે અને આ ઉપલ્બિધ મેળવનાર તે દુનિયાનો ચોથો બેટ્સમેન બની ગયો છે.

તમને જણાવી દઈએ કે રવિવારે ગુજરાત લાયન્સ અને સનરાઈઝર્સ હૈદરાબાદની વચ્ચે મેચ રમાઈ હતી. સનરાઈઝર્સ હૈદરાબાદે ગુજરાતને 9 વિકેટે હરાવ્યું હતું.

વૉર્નરે ગુજરાત લાયન્સ વિરુદ્ધ આઈપીએલ-10ના મુકાબલામાં રવિવારે પોતાની અણનમ 76 રનની ઈનિંગ રમી હતી. તે વખતે આ રેકોર્ડ બનાવ્યો હતો. વૉર્નરે હવે 224 મેચોમાં 7011 રન બનાવ્યા છે. વૉર્નરનો ટ્વેન્ટી-20માં સર્વશ્રેષ્ઠ સ્કોર અણનમ 135 રનનો રહ્યો છે અને આ તેની 55મી અડધી સદી હતી.