સ્ટાર બનવા માટે એક્ટિગ આવડવી જરૂરી નથી, જાણો ક્યા એક્ટરે કર્યું આ નિવેદન

એક્ટિંગની ફોર્મલ ટ્રેનિંગ વિશે ઈરફાને કહ્યું કે, ‘આ બાબત એના પર નિર્ભર કરે છે કે, તમે કેવા પ્રકારની એક્ટિંગ કરવા માગો છો. ઘણીવાર એક્ટર્સે કોઈ ફોર્મલ ટ્રેનિંગ લીધી હોતી નથી પણ તેઓ ગજબની એક્ટિંગ કરે છે. બીજી તરફ ઘણા લોકો ફોર્મલ ટ્રેનિંગ લઈને આવે છે છતા ક્યારેય એક્ટર બની શકતા નથી. મારી બાબતમાં ટ્રેનિંગે મારી ઘણી મદદ કરી છે. જો હું ડ્રામા સ્કૂલ ન ગયો હોત તો જેવું કામ હું આજે કરી રહ્યો છું તેવું ક્યારેય ન કરી શકત.’

ઈરફાન એ વાત સાથે સહમત છે કે, આજે પણ એક્ટિંગ કરતા લુક્સ અને પબ્લિક રિલેશનને વધુ મહત્વ આપવામાં આવે છે. તેણે કહ્યું, ‘આપણા સિનેમામાં ઘણીવાર એક્ટિંગની જરૂર જ નથી પડતી અને આ હકીકત છે. એક સ્ટાર બનવા માટે તમને એક્ટિંગ આવડતી હોય તે જરૂરી નથી. જો તમારું સિનેમા એવું હોય જ્યાં એક્ટિંગ આવડવી જોઈએ તો દરેક વ્યક્તિ પહેલા શીખવા જશે.’

મીડિયા સાથે વાત કરતા ઈરફાને એક્ટિંગ સીખવાના મહત્વ વિશે જણાવ્યું, ‘જ્યારે હું એક એક્ટર બનવાનું સપનું જોતો હતો ત્યારે મને ખબર હતી કે, મારે આ કળાને શીખવી પડશે. મેં ક્યારેય એવું નહોતું વિચાર્યું કે, બસ મુંબઈ આવી જાઓ અને રોલ મેળવવા માટે સ્ટ્રગલ શરૂ કરી દો. એટલે મને ખબર હતી કે, ક્યાંય પણ રોલ માગતા પહેલા મારે એક્ટિંગ શીખવી પડશે.’

નવી દિલ્હીઃ ઇરફાન ખાન માત્ર એક સારા એક્ટર જ નથી પરંતુ હોલિવુડમાં હાલમાં બોલિવુડનો ચહેરો પણ ગણવામાં આવે છે. જોકે સારા ટેલેન્ટ અને ક્ષમતા હોવા છતાં ઇરફાનને હાલમાં હિન્દી ફિલ્મ ઉદ્યોગમાં એક અંડરરેટેડ એક્ટર માનવામાં આવે છે. હાલમાં જ ઇરફાને ફિલ્મ પ્રોડક્શનમાં પણ ઝંપલાવ્યં ચે અને તે પોતાનો પ્રથમ પ્રોજેક્ટ પૂરો કરવાનો છે.