જસ્ટિસ માર્કન્ડેય કાત્જુ સાચા છે, મારું દિમાગ એકદમ ખાલી છેઃ અમિતાભ બચ્ચન

મુંબઈઃ ફિલ્મોમાં કેટલાક લાવજવાબ હાસ્ય ભૂમિકા ભજવનાર અને હસાવતા સંવાદ બોલનાર મહાનાયક અમિતાભ બચ્ચને ન્યાયમર્તિ (નિવૃત્ત) માર્કન્ડેય કાત્જુ દ્વારા તેમને ખાલી દિમાગ કહેવાની વાતને ખૂબ જ હળવા અંદાજમાં જવાબ આપ્યો છે. કાત્જુ મોટેભાગે વિવાદિત નિવેદન આપતા રહે છે. સુપ્રીમ કોર્ટના પૂર્વ જજે ગત 17 સપ્ટેમ્બરે પોતાના એક સોશિયલ મીડિયા પેજ પર અમિતાભ પર નિશાન સાધતા લખ્યું હતું, અમિતાભ બચ્ચનનું દિમાગ ખાલી છે અને જોકે મોટાભાગના મીડિયાકર્મી તેમના વખાણ કરે છે, મને લાગે છે તેમનું પણ દિમાગ ખાલી છે. અભિનેતાએ કાત્જુની ટિપ્પણીને લઈને પૂચવામાં આવતા કહ્યું કે, તે (કાત્જુ) સાચુ કહે છે, મારું દિમાગ ખાલી છે. તે સાચા છે, મારું દિમાગ ખલ્લાસ (ખતમ) છે. અમિતાભે એક પ્રેસ કોન્ફરન્સમાં એક સવાલનો જવાબ આપતા કહ્યું કે, અમે એક જ સ્કૂલમાં ભણ્યા છે. તે મારા સીનિયર હતા. અમારી વચ્ચે કોઈ દુશ્મની નથી.