પંખા સાથે લટકીને ટીવી એક્ટ્રેસે કર્યું સુસાઇડ, કામ ન મળવાથી હતી ડિપ્રેશનમાં

કોલકાતાઃ ફિલ્મી જગતમાં કરિયર બનાવવાનું સપનું જોતી એક સ્ટ્રગલિંગ એક્ટ્રેસે સુસાઇડ કર્યું છે. કોલકાતાની રહેવાસી ટીવી એક્ટ્રેસ મૌમિતા સાહાનો મૃતદેહ તેના ઘરમાં સીલિંગ ફેન સાથે લટકતો મળી આવ્યો છે.

પોલીસના કહેવા મુજબ મૌમિતાના સોશિયલ નેટવર્કિંગ પેજ પરથી લાગે છે તે ઘણી હતાશ હતી.

હાલ પોલીસ મામલાની તપાસ કરી રહી છે. પોલીસને ફ્લેટમાંથી એક સુસાઇડ નોટ પણ મળી આવી છે. આ ઉપરાંત તેની કોલ ડીટેલ્સ પણ ચેક કરવામાં આવી રહી છે.

મૌમિતાના નજીકના લોકોના કહેવા મુજબ ઘણા સમયથી ફિલ્મ ઇન્ડસ્ટ્રીમાં કામ કરવાની કોશિશ કરતી હતી. પરંતુ અનેક પ્રયત્ન કરવા છતાં કામ ન મળવાના કારણે ઘણી તણાવમાં રહેતી હતી.

શુક્રવારે સવારે 10 વાગે જ્યારે મૌમિતાના મકાન માલિકે ઘણી કોશિશ કરવા છતાં કોઇ જવાબ ન મળ્યો ત્યારે તેમણે રૂમનો દરવાજો તોડીને જોયું તો તેની લાશ પંખા સાથે લટકતી હતી.

મૌમિતા કોલકાતાના અશોકનગરમાં ભાડાના મકાનમાં રહેતી હતી. એક્ટ્રેસના માતા-પિતા તેનો સંપર્ક કરવાની કોશિશ કરી રહ્યા હતા પરંતુ તે કોઈના કોલનો જવાબ આપતી નહોતી. જ્યારે કોઈ સંપર્ક ન થઈ શક્યો ત્યારે એક્ટ્રેસના પેરેન્ટ્સને મકાન માલિકને તપાસ કરવા કહ્યું.

ટીવી ઈન્ડસ્ટ્રીમાં કામ કરી ચૂકેલી 23 વર્ષીય એક્ટ્રેસ મૌમિતાના મોતનું કારણ માનસિક તણાવ જણાવવામાં આવી રહ્યું છે. એકટ્રેસના રૂમમાંથી સુસાઇડ નોટ પણ મળી આવી છે.