Metoo: ટીવી એક્ટ્રેસ સોનલ વેંગુરલેકરે કાસ્ટિંગ ડાયરેક્ટર પર લગાવ્યો જાતીય શોષણનો આરોપ

ઉલ્લેખનીય છે કે 2012માં સોનલે કસ્તૂરબા માર્ગ પોલીસ સ્ટેશનમાં ફરિયાદ નોંધાવી હતી અને અન્ય એક મોડલ અને તેની માતાએ પણ નિવેદન નોંધાવ્યા હતા. આ ઘટના વિશે રાજા બઝાઝે કહ્યું, સોનલ 7 માર્ચના મારા ઘરે આવી હતી અને તેણે પૈસાની માંગ કરી હતી. તેણે 3 લાખ રૂપિયાની માંગ કરી હતી પરંતુ અમે તેની માંગ ફગાવી હતી કારણ કે અમને ખબર હતી કે અમે કોઈ ભૂલ નથી કરી. રાજા બઝાઝની પુત્રી શીના બઝાઝ અને પત્નીએ પણ સોનલના આરોપોને ખોટા ગણાવતા સોનલને બ્લેકમેલર ગણાવી હતી.

સોનલે જણાવ્યું કે તેના હાથમાં એક ક્રીમની બોટલ હતી અને તેણે કપડા પહેરવા પહેલા તે ક્રીમ બ્રેસ્ટ પર લગાવવાનું કહ્યું જેનાથી બ્રેસ્ટ પ્રોપર શેપમાં રહે. ત્યારબાદ તેઓ મારી નઝીક આવ્યા અને બળજબરીથી મારી છાતી પર ક્રિમ લગાવવા લાગ્યા હતા. હું તેનાથી ડરી ગઈ અને ત્યાંથી ભાગી ગઈ હતી. જ્યારે હું સાજે પરત ફરી ત્યારે મે રાજાને દારૂ પીતા જોયો હતો. તે મારા રૂમમાં આવ્યો અને કહ્યું હું તને તાંત્રિક વિદ્યા શીખડાવીશ, જેનાથી તું રાતોરાત સ્ટાર બની જઈશ. તેના માટે તારે મારી સામે નગ્ન હાલતમાં મંત્ર વાંચવા પડશે. ત્યારબાદ રાજાએ બળજબરીથી મારા કપડા ઉતારવાની કોશિશ કરી, હું જેમતેમ કરી ભાગીને તે રૂમમાંથી બહાર જતી રહી હતી.