વિવાદોમાં ફસાયેલી 'પીએમ મોદીની બાયૉપિક' હવે આ દિવસે થશે રિલીઝ, મળી નવી ડેટ

તરુણ આદર્શે ટ્વીટ કરીને લખ્યું છે કે, પ્રૉડ્યૂસર્સ દ્વારા રજૂ કરાયેલા એક નિવેદન અનુસાર, પીએમ નરેન્દ્ર મોદી બાયૉપિક માટે નવી રિલીઝ ડેટ... હવે લોકસભા ચૂંટણી પરિણામ બાદ 24 મે એ રિલીઝ થશે ફિલ્મ

મુંબઇઃ વડાપ્રધાન મોદીની બાયૉપિક 'પીએમ નરેન્દ્ર બાયૉપિક'ને જબરદસ્ત વિવાદો બાદ હવે રિલીઝ માટે નવી તારીખ મળી છે. ફિલ્મ લોકસભા ચૂંટણી પરિણામ (23 મે)ના એક દિવસ બાદ 24 મે, 2019ના દિવસે રિલીઝ થશે. ટ્રેડ એનાલિસ્ટ તરુણ આદર્શે ટ્વીટ કરીને આ વાતની જાણકારી આપી છે. તરુણ આદર્શે ટ્વીટ કરીને લખ્યું છે કે, પ્રૉડ્યૂસર્સ દ્વારા રજૂ કરાયેલા એક નિવેદન અનુસાર, પીએમ નરેન્દ્ર મોદી બાયૉપિક માટે નવી રિલીઝ ડેટ... હવે લોકસભા ચૂંટણી પરિણામ બાદ 24 મે એ રિલીઝ થશે ફિલ્મ. ફિલ્મ ઓમાંગ કુમાર ડાયરેક્ટ કરી ચૂક્યા છે. વિવેક ઓબેરૉય ફિલ્મમાં પીએમ નરેન્દ્ર મોદીની ભૂમિકામાં છે.

New release date for #PMNarendraModi... Will now release on 24 May 2019, after the Lok Sabha election results, according to a statement issued by the producers... Stars Vivek Anand Oberoi in title role... Directed by Omung Kumar.

— taran adarsh (@taran_adarsh) May 3, 2019

નોંધનીય છે કે, વિવેક ઓબેરૉય સ્ટારર મૂવી પીએમ નરેન્દ્ર મોદી પહેલા 11 એપ્રિલે રિલીઝ થઇ રહી હતી. લોકસભા ચૂંટણીના કારણે ફિલ્મની રિલીઝ ડેટને પાછળ ધકેલવામાં આવી હતી. ફિલ્મને લઇને જબરદસ્ત વિરોધ થયો હતો, અને છેવટે મામલો ચૂંટણી પંચ સુધી પહોંચ્યો હતો.