અભિનેત્રી પૂનમ પાંડેની ધરપકડ, બે પોલીસકર્મી સસ્પેન્ડ, જાણો શું છે મામલો

અભિનેત્રી પૂનમ પાંડેની ગોવા પોલીસે ધરપકડ કરી છે. પોલીસ અધિક્ષક દક્ષિણ પંકજ કુમાર સિંહે તેની જાણકારી આપી છે.

પણજી: અભિનેત્રી પૂનમ પાંડેની ગોવા પોલીસે ધરપકડ કરી છે. પોલીસ અધિક્ષક દક્ષિણ પંકજ કુમાર સિંહે તેની જાણકારી આપી છે. પૂનમ પાંડે પર આરોપ છે કે તેણે સરકારી સંપતિમાં અનઅધિકૃત રીતે પ્રવેશ કર્યો અને અશ્લીલ વીડિયો શૂટ કર્યો છે. દક્ષિણ ગોવા જિલ્લાના કોનકોના શહેરના ઘણા નાગરિકોએ આ શૂટિંગ માટે સરકારી મશીનરીના દૂરપયોગનો આરોપ લગાવ્યો હતો. બાદમાં બે પોલીસકર્મી તુકારામ ચવ્હાણ અને એક કોન્સ્ટેબલને સસ્પેન્ડ કરવામાં આવ્યા છે. આ પહેલા એક અધિકારીએ જણાવ્યું કે ગોવાના સિંકરિમમાં એક ફાઈવ સ્ટાર હોટલમાં રોકાયેલી પૂનમ પાંડેએ ગુરૂવારે બપોરે કલાંગુટ પોલીસની એક ટીમે ધરપકડ કરી છે અને બાદમાં કાનકોના પોલીસને સોંપી છે. કાનકોના શહેરના ચાપોલી ડેમ પર શૂટ દરમિયાન અશ્લીલતાને લઈ બુધવારે પૂનમ પાંડે સામે ફરિયાદ દાખલ કરવામાં આવી હતી. ડેમનું સંચાલન સંભાળતા જળ સંશાધન વિભાગે ફરિયાદ નોંધાવી હતી. ગુરૂવારે કાનકોનામાં એ પોલીસ અધિકારીઓ વિરૂદ્ધ કાર્યવાહી કરવાની માંદ સાથે શહેરમાં બંધનું આહ્વાન કરવામાં આવ્યું જેમણે અભિનેત્રી અને શૂટિંગ સાથે જોડાયેલા દળને સુરક્ષા આપી હતી. પોલીસ અધિક્ષકે બાદમાં નિરીક્ષક તુકારામ ચવ્હાણ અને એક કોન્સ્ટેબલને સસ્પેન્ડ કરી દિધા છે. આ મામલે તપાસ ચાલી રહી છે.