‘તારક મહેતા…’ની આ એક્ટ્રેસનું બેબી શાવર યોજાયું, જૂની સોનુ-ગોલી સાથે કરી ખૂબ મસ્તી

રિયાના પતિ માલવ રાજદાએ બેબી શાવર પાર્ટીનું આયોજન કર્યું હતું.

નવી દિલ્હીઃ ટેલીવિઝન એક્ટ્રેસ પ્રિયા આહૂજા ટૂંકમાં જ તેના પ્રથમ બાળકને જન્મ આપશે. થોડા જ સમય પહેલા પ્રિયાએ શાનદાર અંદાજમાં પોતાની પ્રેગ્નેન્સીના ગુડ ન્યૂઝ ફેન્સ સાથે શેર કર્યા હતા. એવામાં હવે ફરી એક વખત પ્રિયાએ પોતાની બેબી બમ્પની લેટેસ્ટ ફોટોશૂટ કરાવ્યું છે. તસવીરમાં પ્રિયા આહૂજા પોતાના બેબી બમ્પ ફ્લોન્ટ કરતી જોવા મળી રહી છે. 16 ઓક્ટોબરે પ્રિયાનું બેબી શાવર યોજાયું. પ્રિયાએ નજીકના લોકો સાથે બેબી શાવર પાર્ટીમાં ખૂબ એન્જોય કર્યું હતું. પ્રિયાના પતિ માલવ રાજદાએ બેબી શાવર પાર્ટીનું આયોજન કર્યું હતું. પ્રિયા અને માલવ માટે સેલિબ્રેશનનું ડબલ કારણ હતું- એક તો પ્રિયાનો બર્થ ડે અને બીજું બેબી શાવર. બેબી શાવરની તસવીરો પ્રિયા અને માલવે સોશિયલ મીડિયા અકાઉન્ટ પર શેર કરી છે. સોશિયલ મીડિયા પર પોસ્ટ કરેલી તસવીરમાં ‘તારક મહેતા…’ની ટીમમાંથી ગોલી, જૂની સોનુ અને ભઈલુ જોવા મળ્યા હતા. પ્રિયાના પતિ માલવ રાજદાએ ઈન્સ્ટાગ્રામ પર બેબી શાવરની તસવીરો શેર કરતાં લખ્યું, ‘લવલી બર્થ ડે અને બેબી શાવર મારા પ્રેમ પ્રિયા માટે. આ દિવસને ખાસ બનાવવા માટે સૌનો આભાર.’ પ્રિયાએ પણ ઈન્સ્ટાગ્રામ પર તસવીરો શેર કરીને લખ્યું, ‘યાદગાર દિવસ. બેબીશાવર કમ બર્થ ડે પાર્ટી, મારા મનગમતા લોકો સાથે.’ જણાવી દીઈએ કે પ્રિયા ટીવી શો ‘તારક મહેતા કા ઉલ્ટા ચશ્મા’માં રિટા રિપોર્ટરની ભુમિકા માટે ફેન્સમાં ખૂબ જ જાણીતી હતી. ફેન્સ પણ તેની આ તસવીરને ખૂબ પસંદ કરી રહ્યા છે. પ્રિયાએ પ્રેગ્નેન્સીની જાહેરાત કરતાં તસવીર શેર કરી હતી. તમને જણાવી દઈએ કે પ્રિયા રીયલ લાઈફમાં ખૂબ બોલ્ડ છે. પ્રિયાના સોશિયલ મીડિયા એકાઉન્ટમાં તેની હોટ અને સુંદર તસ્વીરો છે. ઉલ્લેખનીય છે કે, પ્રિયાનો પતિ માલવ રાજદા ‘તારક મહેતા…’નો મુખ્ય ડિરેક્ટર છે. પ્રિયા અને માલવની મુલાકાત આ સીરિયલના સેટ પર જ થઈ હતી. ત્યાર બાદ બંને પ્રેમમાં પડ્યા હતાં અને 19 નવેમ્બર 2011ના રોજ લગ્ન કર્યાં હતાં. હવે લગ્નના 8 વર્ષ બાદ કપલ પહેલા સંતાનને આવકારવા માટે ઉત્સાહિત છે.