Bollywood News: રત્ના પાઠકે ખોલી યંગ એક્ટ્રેસની પોલ, આલિયા ભટ્ટ વિશે પણ કર્યો ખુલાસો
Bollywood News: બોલીવુડની સૌથી લોકપ્રિય અભિનેત્રીઓમાંની એક રત્ના પાઠકે તાજેતરમાં જ યુવા બોલીવુડ કલાકારોની ખામીઓનો પર્દાફાશ કર્યો હતો. એટલું જ નહીં, તેમણે આલિયા ભટ્ટનો પણ ઉલ્લેખ કર્યો હતો.
Bollywood News: રત્ના પાઠક એ બોલીવુડ અભિનેત્રીઓમાંની એક છે જે ફક્ત તેના અભિનય માટે જ નહીં પરંતુ તેના બેબાક બોલને લઇને પણ ચર્ચામાં રહે છે. તાજેતરમાં રત્નાએ એક ઇન્ટરવ્યુ આપ્યો હતો જેમાં તેણે યુવા કલાકારો પર ચોંકાવનારા આરોપો લગાવ્યા હતા.
એટલું જ નહીં, તેણે આલિયા ભટ્ટ વિશે પણ ઘણું કહ્યું. તેના ઇન્ટરવ્યુમાં, રત્નાએ કહ્યું કે, યુવા અભિનેત્રીઓ ઘણીવાર સેટ પર શું કરવાનો પ્રયાસ કરે છે. પિંકવિલા સાથેના એક ઇન્ટરવ્યુમાં, રત્ના પાઠકે આલિયા ભટ્ટ વિશે કહ્યું, "તે ખૂબ જ એંટેંટિવ રહે છે, મેં નોટિસ કર્યું છે. તે હંમેશા મોનિટર પર રહેતી હતી. જ્યારે તે અભિનય કરતી હતી ત્યારે નહીં, પરંતુ જ્યારે અન્ય લોકો અભિનય કરતા હતા ત્યારે. તે ખૂબ જ કાળજીપૂર્વક અવલોકન કરે છે."
સુંદર હોવાને કારણે તમે ખરાબ કલાકાર બની જાઓ છો.
આલિયા વિશે વધુ વાત કરતાં રત્ના પાઠકે કહ્યું, "તે વધારે વાત કરતી નહોતી, જે આશ્ચર્યજનક હતું કારણ કે યંગ એક્ટ્રેસને સેટ પર હંમેશા ક્યૂટ બનીને ઇન્ટરટેઇન કરવાની જરૂરત મહેસૂસ થાય છે. તેઓ વિચારે છે કે, ક્યૂટ બનાવાનો ડોળ કરવાથી તેમને મદદ મળશે. ઘણીવાર, આ રીતે અભિનય કરવાથી તેઓ બેડ પર્ફોમર બની જાય છે. પરંતુ આલિયા એવી નથી."
રત્ના પાઠકના શબ્દો સૂચવે છે કે, યંગ અભિનેત્રીઓ વધુ પડતી ક્યૂટ બનવાનો પ્રયાસ કરે છે તે તેમને પસંદ નથી. બીજી બાજુ, તેમને આલિયા ભટ્ટ ગમે છે કારણ કે તે ક્યૂટ બનાવવાનો પ્રયાસ કરીને બેડ પર્ફોમર નથી બનતી. નોંધનિય છે કે, રત્ના પાઠકે કપૂર એન્ડ સન્સમાં આલિયા ભટ્ટ સાથે કામ કર્યું હતું.
રત્ના પાઠકે ઇન્ટરવ્યુમાં એ પણ ખુલાસો કર્યો હતો કે, તે આલિયા ભટ્ટથી ખૂબ પ્રભાવિત થઈ હતી કારણ કે તે શાંત હતી. તેમણે કહ્યું હતું કે, તેમણે અને આલિયાએ ક્યારેય થોડા શબ્દોથી વધુ વાતચીત કરી નથી.
એટલું જ નહીં, રત્ના પાઠકે ખુલાસો કર્યો હતો કે, તેમને આલિયાએ ફિલ્મમાં સાથે સીન જોડે ન હતો કર્યો પરંતુ તે તેના કામ પર સારૂ એવું ધ્યાન કેન્દ્રિત કરતી હતી. તેમણે એમ પણ કહ્યું હતું કે. કામ પ્રત્યેનું તેનું ડેડિકેશન તેમને ગમે છે.
ટોપ સ્ટોરી
ટ્રેન્ડિંગ સમાચાર
