ગુજરાતી એક્ટરના બર્થડે પર ગૂગલે બનાવ્યું ડૂડલ, જાણો પ્રથમ ફિલ્મ માટે કેટલી મળી હતી ફી

ફારુક શેખને ઘોડા ઉછેરનો ભારે શોખ હતો. તેમણે આમરોલીમાં ઘોડા ઉછેર માટે તબેલો બનાવ્યો હતો. આ ઉપરાંત તેમને ઘોડાની રેસના ભારે શોખ હતો. ફારૂક શેખ દ્વારા યોજાયેલી એક રેસમાં બે ઘોડાના મોત પણ થયા હતાં.

મુંબઈઃ ફિલ્મ જગતના જાણીતા કલાકાર ફારુક શેખનો આજે 70મો બર્થ ડે છે. ગુજરાતના નસવાડીથી પાંચ કિમી દુર આવેલ આમરોલી ગામમાં ફારૂક શેખનો જન્મ 25 માર્ચ 1948ના રોજ થયો હતો. 1973માં ફિલ્મ ગર્મ હવાથી બોલીવુડમાં પ્રથમ બ્રેક મળ્યો હતો. આ ફિલ્મ માટે તેને 750 રૂપિયા ફી મળી હતી. ફારુકના ફેન્સને તેની સૌથી વધારે એક્ટિંગ ઉમરાવ જાનના સુલ્તાનની ગમી હતી. સર્ચ એન્જિન ગૂગલ દ્વારા આજે તેમની યાદમાં ડૂડલ બનાવવામાં આવ્યું છે.