ગ્રાહક સાથે સેક્સ માણતાં પકડાયેલી આ ટીવી એક્ટ્રેસે કરી સગાઈ, જાણો કોણ છે તેનો મંગેતર ?

મુંબઈઃ શ્વેતા બસુ તેની સગાઇના સમાચારોને પગલે સમાચારોમાં આવી ગઇ છે. સ્ટાર પ્લસ પર આવતા શો ચંદ્ર નંદિનીમાં નંદિનીનું કિરદાર નિભાવનાર શ્વેતા બસુએ એક વર્ષ પહેલા જ પોતાના બોયફ્રેન્ડ રોહિત મિત્તલ સાથે સગાઇ કરી હોવાનો ખુલાસો સોમવારે કર્યો હતો. થોડા સમય પહેલા જ શ્વેતા બસુ સેક્સ સ્કેન્ડલમાં ફસાઈ હતી.

શ્વેતાને તેની વર્ષ 2002માં આવેલી ફિલ્મ 'મકડી' માટે બેસ્ટ ચાઇલ્ડ આર્ટિસ્ટનો નેશનલ એવોર્ડ મળ્યો છે.

શ્વેતા અને રોહિત ગત ચાર વર્ષથી રિલેશનમાં છે. શ્વેતાએ ગોવા ટ્રિપ દરમિયાન બોયફ્રેન્ડ રોહિતને સામેથી પ્રપોઝ કર્યું હતું. બંને લગ્ન કરશે તે વાત પાકી છે પણ તે બંનેને લગ્નની કોઇ જ ઉતાવળ નથી.

તમિલ અને તેલુગુ ફિલ્મોમાં મોટાભાગે કામ કરનારી શ્વેવા છેલ્લી વખત બોલિવૂડ ફિલ્મ 'બદ્રીનાથ કી દુલહનિયા'માં વરૂણ ધવનની ભાભી તરીકે જોવા મળી હતી.

આ ઉપરાંત તે ટીવીની ખુબજ જાણીતી સિરિયલ 'કહાની ઘર ઘર કી'નો પણ ભાગ હતી.

શ્વેતાએ કહ્યું કે, અમે બંને ખૂબજ પ્રાઇવેટ પર્સન છીએ તેથી જ અમે અમારી કોઇ અંગત વાત જાહેરમાં કરવામાં માનતા નથી.

મીડિયા અહેવાલ અનુસાર, બોલિવૂડ ડિરેક્ટર અનુરાગ કશ્યપ દ્વારા આ બંને મળ્યા હતાં.

શ્વેતાએ જણાવ્યું હતું કે આ વાત સાચી છે કે મેં અને રોહિતે સગાઇ ગયા વર્ષે અમારા બંનેના પરિવારની હાજરીમાં કરી લીધી છે. અમે બંને અમારા કામોમાં વ્યસ્ત છીએ અને અમારા વ્યકિતગત જીવનને અંગત તેમ જ મીડિયાથી દૂર રાખવા માગીએ છીએ.