Daler mehndi gets jail: જાણીતા પંજાબી સિંગર દલેર મહેંદીને 2 વર્ષની જેલની સજા, જાણો શું હતો કેસ

જાણીતા પંજાબી સિંગર દલેર મહેંદીને 2 વર્ષની જેલની સજા થઈ છે. પટિયાલા કોર્ટમાં આજે થયેલી સુનાવણીમાં જજ HS ગ્રિવાલે દલેર મહેંદીએ કરેલી અપિલને ફગાવી દીધી હતી.

દલેર મહેંદી

Daler mehndi gets jail: જાણીતા પંજાબી સિંગર દલેર મહેંદીને 2 વર્ષની જેલની સજા થઈ છે. પટિયાલા કોર્ટમાં આજે થયેલી સુનાવણીમાં જજ HS ગ્રિવાલે દલેર મહેંદીએ કરેલી અપિલને ફગાવી દીધી હતી. દલેર મહેંદીને આ સજા વર્ષ 2003માં થયેલા માનવ તસ્કરીના કેસમાં મળી છે. 

Patiala, Punjab | Singer Daler Mehndi sentenced to two years of imprisonment in a human trafficking case of 2003. He has been taken into custody (by police). His application for release on probation also dismissed by court: Advocate Gurmeet Singh, Complainant's lawyer pic.twitter.com/bHOwcsHAD4

— ANI (@ANI) July 14, 2022

ગાયક દલેર મહેંદીને 2003ના માનવ તસ્કરીના કેસમાં બે વર્ષની જેલની સજા ફટકારવામાં આવી છે. કોર્ટે દલેર મહેંદીને સજા સંભળાવ્યા બાદ પોલીસે દલેર મહેંદીને કસ્ટડીમાં લેવી છે. પ્રોબેશન પર છોડવા માટેની દલેર મહેંદીની અરજી પણ કોર્ટે ફગાવી દીધી છે. ફરિયાદીની વકિલ ગુરમિતસિંહે આ અંગે જાણકારી આપી હતી.

શું હતો કેસઃ
2003માં દલેર મહેંદી વિરુદ્ધ કેસ નોંધવામાં આવ્યો હતો. તેમના ઉપર ગેરકાયદેસર રીતે લોકોને વિદેશ મોકલવાનો આરોપ હતો. એવું કહેવાય છે કે આ કરવા માટે દલેર મહેંદીએ લોકો પાસેથી મોટી રકમ પણ ભેગી કરી હતી. 1998 અને 1999 ની વચ્ચે, દલેર મહેંદીએ સાન ફ્રાન્સિસ્કો અને ન્યુ જર્સીમાં ઓછામાં ઓછા 10 લોકોને ગેરકાયદેસર રીતે પહોંચાડ્યા હતા. આ પછી દલેર મહેંદી અને તેના દિવંગત ભાઈ શમશેર સિંહ વિરુદ્ધ કેસ દાખલ કરવામાં આવ્યો હતો. કેસ નોંધાયા બાદ બંને ભાઈઓ વિરુદ્ધ 35 જેટલી ફરિયાદો નોંધાઈ હતી.

દલેર મહેંદી અને શમશેર સિંહ લોકોને વિદેશ લઈ જવા માટે પેસેજ મની તરીકે 1 કરોડ લેતા હતા. 2006માં દિલ્હીના કનોટ પ્લેસમાં આવેલી તેમની ઓફિસ પર દરોડા પાડવામાં આવ્યા હતા. જ્યાંથી કેસ ફાઈલના દસ્તાવેજો અને પાસના પૈસા મળી આવ્યા હતા. 2018માં, પંજાબની પટિયાલા કોર્ટે 2003ના આ માનવ તસ્કરી કેસમાં દલેરને દોષિત જાહેર કર્યો અને તેને બે વર્ષની જેલની સજા ફટકારી. પરંતુ સજા સંભળાવ્યાના 30 મિનિટ બાદ જ દલેર મહેંદીને કોર્ટે જામીન આપી દીધા હતા.