શું ફેબ્રુઆરી 2017માં સગાઈ કરી લેશે સોનાક્ષી? જાણો, કોણ છે કથિત બોયફ્રેંડ બંટી સજદેહ

અહેવાલો છે કે મુજબ, સોનાક્ષી સિંહા તેના કથિત બોયફ્રેન્ડ બંટી સજદેહ સાથે સગાઈ કરવા જઈ રહી છે. સગાઈની ડેટ હાલ નક્કી થઈ નથી, પણ સૂત્રોનું કહેવું છે કે ફેબ્રુઆરી 2017માં સગાઈ થવાની છે. સોનાક્ષી અને બંટી અનેકવાર સાથે જોવા મળી ચૂક્યા છે.

બંટીએ 2012થી સોનાક્ષીની એન્ડોર્સમેંટ ડીલ મેનેજ કરવાનું શરૂ કર્યું હતું. ત્યારથી સોનાક્ષી બંટીને ડેટ કરી રહી છે હોવાનું માનવામાં આવે છે. જો કે બંને આ રિલેશનશીપ સ્વીકારતા નથી. ઉલ્લેખનીય છે કે બંટી સલમાનના ભાઈ સોહૈલની પત્ની સીમાનો ભાઈ છે. બંટીનું નામ સોનાક્ષી પહેલા સુસ્મિતા, નેહા ધુપિયા, દિયા મિર્ઝા અને સમીરા રેડ્ડી સહિત અનેક એક્ટ્રેસ સાથે જોડાઈ ચૂક્યું છે.

મુંબઈઃ વર્ષ 2017ની શરૂઆતમાં જ અનુષ્કા શર્મા અને વિરાટના લગ્નની વાતો ઉડી હતી. જેને વિરાટે ટ્વિટર પર આ વાતને નકારી છે. પણ હવે અહેવાલો છે કે વધુ એક બોલીવુડ એક્ટ્રેસ 2017માં સગાઈ કરવા જઈ રહી છે. 'દબંગ ગર્લ' સોનાક્ષીસિંહા બંટી સજદેહને ડેટ કરી છે. બંટી પહેલેથી જ ડિવોર્સી છે.

2009માં બંટીએ અંબિકા ચૌહાણ સાથે ગોવામાં લગ્ન કર્યા હતા. જોકે, આ સંબંધ 4 વર્ષમાં જ તૂટી ગયો હતો. અંબિકા ક્રિકેટર યુવરાજસિંહને મેનેજ કરી ચૂકી છે. બંટી CSE કન્સ્ટલ્ટિંગ કંપનીનો પાર્ટનર છે. આ કંપનીના અમુક શેર ક્રિકેટર વિરાટ કોહલી પાસે પણ છે. તે બંટીનો નજીકનો મિત્ર છે. ઈન્ડસ્ટ્રીમાં બંટી સેલિબ્રિટી અને સ્પોર્ટ્સના મેનેજર તરીકે જાણીતો છે. તે વિરાટ કોહલી, રોહિત શર્મા, શિખર ધવન, સુસ્મિતા સેન સહિત અનેક સેલેબ્સના મેનેજર તરીકે કામ કરી ચૂક્યો છે.