સાઉથના ફિલ્મ સ્ટારનું લગ્નના બે વર્ષમાં જ થયું નિધન, પત્નિ છે પ્રેગનન્ટ, માત્ર 39 વર્ષની જ હતી વય, જાણો વિગત

રિપોર્ટ્સ પ્રમાણે, શનિવારે ચિરંજીવીને છાતીમાં દુખાવો ઉપડ્યો હતો. ત્યાર બાદ તેને શ્વાસ લેવામાં તકલીફ પડી રહી હતી. સારવાર દરમિયાન હોસ્પિટલમાં જ અભિનેતાએ પોતાના અંતિમ શ્વાસ લીધા હતાં

સાઉથના ફિલ્મ સ્ટાર ચિરંજીવી સરજાએ લગભગ 39 વર્ષની ઉંમરે જ દુનિયાને અલવિદા કહી દીધી હતી. અભિનેતાનું મોત હાર્ટ અટેકના કારણે થયું હતું. રિપોર્ટ્સ પ્રમાણે, શનિવારે ચિરંજીવીને છાતીમાં દુખાવો ઉપડ્યો હતો. ત્યાર બાદ તેને શ્વાસ લેવામાં તકલીફ પડી રહી હતી. 7 જૂન એટલે રવિવારે ચિરંજીવીને હાર્ટ અટેક આવ્યો હતો. ત્યાર બાદ તેને બેંગલોરની એક પ્રાઈવેટ હોસ્પિટલમાં દાખલ કરવામાં આવ્યો હતો. સારવાર દરમિયાન હોસ્પિટલમાં જ અભિનેતાએ પોતાના અંતિમ શ્વાસ લીધા હતાં. હવે સોશિયલ મીડિયા પર તેના અંતિમ સંસ્કારની તસવીરો વાયરલ થઈ હતી અને ચાહકો તેમની આત્માને શાંતિ આપે તેવી પ્રાર્થના કરી રહ્યાં છે. તેમના નિધનથી પરિવાર સહિત સાઉથ ફિલ્મ ઈન્ડસ્ટ્રીઝ શોકમાં છે. પરંતુ તેમની પત્ની બહુ જ દુખી છે. જોકે, ચિરંજીવી સરજાની પત્ની મેઘના રાજ પ્રેગનન્ટ છે અને જલ્દી જ મા બનવાની છે. ટાઈમ્સ ઓફ ઈન્ડિયાના અહેવાલ પ્રમાણે, મેઘના અને ચિંરંજીવી થોડા જ દિવસોમાં પોતાની ખુશી ચાહકો સાથે શેર કરવાના હતાં. તમને જણાવી દઈએ કે, લગભગ 10 વર્ષ સુધી એકબીજાને ડેટ કર્યાં બાદ મેઘના રાજ અને ચિરંજીવી સરજાએ બે વર્ષા પહેલા જ એટલે 2018માં લગ્ન કર્યાં હતાં. તમામ તસવીરો સોશિયલ મીડિયામાંથી લેવામાં આવી છે.