એક્સ ગર્લફ્રેન્ડે ડીલીટ કરી નાંખેલી આ ઈન્સ્ટા પોસ્ટ સાથે સુશાંતના આપઘાતને છે સંબંધ ? જાણો શું છે આ પોસ્ટમાં ?

સોશિયલ મીડિયા પર આ પોસ્ટ ચર્ચાનો મુદ્દો બની છે. લોકો કોમેન્ટ કરી રહ્યા છે કે, આ વાક્ય સુશાંત સિંહ રાજપૂતની આત્મહત્યા અંગે કોઈ ઈશારો કરે છે.

મુંબઈઃ અભિનેતા સુશાંત સિંહ રાજપૂતે બાંદ્રા સ્થિત પોતાના ઘરમાં ગળે ફાંસો ખાઈને આત્મહત્યા કરી લીધી એ  સમાચારના આઘાતમાંથી લોકો બહાર આવ્યાં નથી. સુશાંતે કેમ આપઘાત કર્યો એ સવાલનો જવાબ હજુ મળ્યો નથી ત્યારે તેની  એક્સ ગર્લફ્રેન્ડ અંકિતા લોખંડેની એક શંકાસ્પદ પોસ્ટ ચર્ચાનો વિષય બની છે. અંકિતાએ સુશાંતના મૃત્યુના થોડા કલાકો પહેલાં આ પોસ્ટ જ શેર કરી હતી અને પછી ડીલીટ કરી દીધી હતી એવો દાવો મુંબઈના અખબાર મિડ-ડેના અહેવાલમાં કરાયો છે. અંકિતાએ પોતાના ઈન્સ્ટાગ્રામ એકાઉન્ટમાં પોસ્ટ મૂકી હતી કે,  ‘ભગવાન લોકોને આપણા જીવનમાંથી એટલા માટે દૂર કરે છે કે, ભગવાને એ વાતો સાંભળી હોય છે જે તમે નથી સાંભળી ualr’. સોશિયલ મીડિયા પર આ પોસ્ટ ચર્ચાનો મુદ્દો બની છે. લોકો કોમેન્ટ કરી રહ્યા છે કે,  આ વાક્ય સુશાંત સિંહ રાજપૂતની આત્મહત્યા અંગે કોઈ ઈશારો કરે છે. સુશાંતના મોત પછી અંકિતાએ આ પોસ્ટ ડીલીટ કરી નાંખી હતી પણ એ પહેલાં પહેલાં કેટલાક સોશિયલ મીડિયા યુઝર્સે આ પોસ્ટના સ્ક્રીન શોટ લઈ લીધી હતા તેથી તે હવે  વાયરલ થઈ ગઈ છે.

સુશાંત અને અંકિતાની મુલાકાત લોકપ્રિય ટીવી શો પવિત્ર રિશ્તા વખતે થઈ હતી. બંને સાથે કામ કરતાં હતાં ત્યારે એકબીજાના પ્રેમમાં પડ્યાં હતાં. 2016માં તેમનું બ્રેકઅપ થયું હતું. તેનું  કારણ અંકિતા લોખંડે વધારે પડતો શરાબ પીતી હોવાનું અને સુશાંત સિંહનું અફેર હોવાની ચર્ચા ચાલી હતી. સુશાંત સિંહ રાજપૂત સાથેના બ્રેકઅપ બાદ અંકિતા બિઝનેસમેન વિક્કી જૈનને ડેટ કરી રહી છે.