મિતાલી રાજની બાયોપિક ‘શાબાશ મિતુ’નો ફર્સ્ટ લૂક રિલીઝ, આ તારીખે થશે રિલીઝ

‘શાબાશ મિતુ‘ ફિલ્મમાં તાપસી પન્નુ 37 વર્ષીય મિતાલી રાજની ભૂમિકા ભજવી રહી છે.

મુંબઈ: ભારતીય મહિલા ક્રિકેટ ટીમના કેપ્ટન મિતાલી રાજના જીવન પર આધારિત ફિલ્મ ‘શાબાશ મિતુ’નો ફર્સ્ટ લૂક જાહેર કરવામાં આવ્યો છે. ફિલ્મમાં તાપસી પન્નુ 37 વર્ષીય મિતાલી રાજની ભૂમિકા ભજવી રહી છે. પોસ્ટરમાં તાપસી ટીમ ઈન્ડિયાની જર્સી પહેરીને પુલ શોટ રમતી નજર આવી રહી છે. તાપસીએ ફિલ્મનો ફર્સ્ટ લૂક સોશિયલ મીડિયા પર શેર કરતા લખ્યું કે, ‘મને હંમેશાં એવું પૂછવામાં આવ્યું છે કે તમારો ગમતો મેલ ક્રિકેટર કોણ છે પણ તમારે તેમને એવું પૂછવું જોઈએ કે તમારા ફેવરિટ ફિમેલ ક્રિકેટર કોણ છે. આ એક સ્ટેટમેન્ટ જેણે દરેક ક્રિકેટ પ્રેમીને અટકીને એ વિચારવા મજબૂર કર્યા કે શું તેઓ ક્રિકેટને પ્રેમ કરે છે કે પછી જે જાતિ આ ગેમ રમે છે તેને. મિતાલી રાજ તમે ગેમ ચેન્જર છો.’

“I have always been asked who’s your favourite male cricketer but you should ask them who their favourite female cricketer is.” The statement that made every cricket lover pause n introspect that do they love the game or the gender playing it.@M_Raj03 you are a ‘Game Changer’ pic.twitter.com/2VlxYpXmSM

— taapsee pannu (@taapsee) January 29, 2020

આ ફિલ્મ આવતા વર્ષે 5 ફેબ્રુઆરીના રોજ રિલીઝ થવાની છે. ફિલ્મને રાહુલ ધોળકિયા ડિરેક્ટ કરી રહ્યા છે. ‘વાયાકોમ18 સ્ટુડિયોસ’ દ્વારા આ ફિલ્મ પ્રોડ્યૂસ કરવામાં આવી રહી છે. શાબાસ મિતુની સ્ક્રિપ્ટ પ્રિયા અવેન દ્વારા લખવામાં આવી છે.