'12 કલાક શૂટિંગ કરવા કરી મજબૂર', Palak Sindhwaniએ 'તારક મહેતા કા ઉલ્ટા શર્મા'ના મેકર્સ પર લગાવ્યા આરોપ

શોના પ્રોડ્યુસર્સે તેને ધમકી આપી હતી. તેણે જે બ્રાન્ડ સાથે કામ કર્યું હતું અને પૈસા મેળવ્યા હતા તેની વિગતો જાહેર કરવા માટે દબાણ કર્યું હતું

Actress Palak Sindhwani

Source : Instagram/PalakSindhwani

Palak Sindhwani Accusation: ટીવી અભિનેત્રી પલક સિધવાનીએ ‘તારક મહેતા કા ઉલ્ટા ચશ્મા’ના નિર્માતાઓ પર ઘણા આરોપો લગાવ્યા છે. પલકે કહ્યું હતું કે શોના પ્રોડ્યુસરે તેને ધમકાવી હતી અને બીમારીમાં સતત કામ કરાવ્યું હતું. ટાઈમ્સ ઓફ ઈન્ડિયા સાથે વાત કરતા પલકે જણાવ્યું હતું કે શોના પ્રોડ્યુસર્સે તેને ધમકી આપી હતી. તેણે જે બ્રાન્ડ સાથે કામ કર્યું હતું અને પૈસા મેળવ્યા હતા તેની વિગતો જાહેર કરવા માટે દબાણ કર્યું હતું.

મેકર્સે પલકને લીગલ નોટિસ મોકલી છે

પલકે કહ્યું હતું કે તેઓએ મને માત્ર ધમકાવી હતી. તેમણે મારી પાસે એવી બ્રાન્ડ્સના નામ પણ શેર કરવાની માંગ કરી કે જેની સાથે મેં કામ કર્યું છે અને શૂટમાંથી પૈસા કમાયા છે. હું ચોંકી ગઇ હતી અને મે સવાલ કર્યો હતો કારણ કે એવું પ્રથમવાર થયું છે જ્યારે છેલ્લા 5 વર્ષમાં મારી સાથે આવું કંઈ થયું નથી. આ બધું એટલા માટે થઈ રહ્યું છે કારણ કે હું શો છોડવા માંગુ છું. આ ખોટું છે અને સ્વીકાર્ય નથી. તેઓએ ત્યાં સુધી મને નોટિસ મોકલી ન હતી. પરંતુ જ્યારે તેમને ખબર પડી કે હું ડરતી નથી ત્યારે તેમણે 20મી સપ્ટેમ્બરે નોટિસ મોકલી હતી.

12 કલાક સુધી સતત કામ કર્યું

અભિનેત્રીએ આગળ કહ્યું હતું કે- મેં ત્યાં 5 વર્ષ જુસ્સા અને ઈમાનદારી સાથે કામ કર્યું છે, તેથી જ હું તેમની પાસેથી આ બધી અપેક્ષા નહોતી રાખતી. જે ઈમેલ આઈડી પર તેઓ મને મારું રાજીનામું મોકલવા કહેતા હતા તે જ દિવસે તેમણે મને કાનૂની નોટિસ મોકલી હતી તે જ દિવસે મને પ્રાપ્ત થઈ હતી. જેમાં ડેમેજની માંગણી કરવામાં આવી હતી. તેઓએ જાણી જોઈને તેમાં વિલંબ કર્યો જેથી હું સમયસર રાજીનામું આપી શકી નહીં. આ 5 વર્ષોમાં હું કોઈ વિવાદમાં પડી નથી કે મને કોઈ કાનૂની નોટિસ પણ મળી નથી. તેથી જ આ સમગ્ર પરિસ્થિતિને કારણે મને પેનિક એટેક આવે છે.

પલકે આગળ કહ્યું હતું કે હું હજી પણ તેમના માટે શૂટિંગ કરી રહી છું. સ્વાસ્થ્ય સમસ્યાઓનો સામનો કરી રહી છું. મેં મારા મેડિકલ રિપોર્ટ્સ પણ સબમિટ કર્યા છે. મેં તેમને મારી પરિસ્થિતિ સમજવા વિનંતી કરી હતી અને થોડા દિવસની રજા માંગી હતી. પરંતુ તેઓએ મને 12 કલાક સુધી શૂટ કરવાની ફરજ પાડી. હું કોઈને મળી શકતી ન હતો અને તેમની કાનૂની નોટિસનો જવાબ પણ ન આપી શકી. હું સેટ પર અટવાઈ ગઇ હતી. હું જાણું છું કે મેં 6-7 દિવસ કેવી રીતે મેનેજ કર્યા. મને માનસિક રીતે હેરાન કરવામાં આવી હતી અને આ મારા માટે ખૂબ જ મુશ્કેલ દિવસો હતા. તેઓએ મને સેટ પર બોલાવીને 12 કલાક બેસાડી હતી. નોંધનીય છે કે શોમાં પલક સોનુના રોલમાં જોવા મળી રહી છે.