ફિલ્મ ‘વૉર’ ની બૉક્સ ઓફિસ પર ધમાકેદાર ઓપનિંગ, બૉલિવૂડના તમામ રેકોર્ડ તૂટ્યા

ફિલ્મ વોરમાં ઋતિક અને ટાઈગર પ્રથમ વખત સાથે નજર આવ્યા છે. આ સિવાય ફિલ્મમાં વાણી કપૂર પર છે.

મુંબઈ: ઋતિક રોશન અને ટાઈગર શ્રોફની જોડીએ બૉક્સ ઓફિસ પર એક્શનનો એવો ઘમાકો કર્યો છે કે બોલિવૂડની તમામ ફિલ્મોનો રેકોર્ડ તોડી દીધાં છે. આ ફિલ્મે પ્રથમ દિવસે જ બંમ્પર ઓપનિંગ કરી બૉલિવૂડની સૌથી મોટી ઓપનર ફિલ્મ બની ગઈ છે. ઋતિક અને ટાઈગર પ્રથમ વખત આ ફિલ્મમાં એક સાથે નજર આવ્યા છે. આ પહેલા સૌથી મોટી ઓપનિંગનો રેકોર્ડ આમિર ખાનની ઠગ્સ ઑફ હિંદોસ્તાનના નામે હતો. આ ફિલ્મે પ્રથમ દિવસે 50.75 કરોડ રૂપિયાની કમાણી કરી હતી. પરંતુ વોર ફિલ્મે આ રેકોર્ડને તોડતા પ્રથમ દિવસે 53.35 કરોડ રૂપિયાની કમાણી કરી લીધી છે.

Top 5 *Day 1* biz... 2019 releases... 1. #War ₹ 53.35cr [Wed] 2. #Bharat ₹ 42.30 cr [Wed] 3. #MissionMangal ₹ 29.16 cr [Thu] 4. #Saaho [#Hindi] ₹ 24.40 cr [Fri] 5. #Kalank ₹ 21.60 cr [Wed] Nett BOC. India biz.

— taran adarsh (@taran_adarsh) October 3, 2019

ફિલ્મ વૉર કુલ 4000 સ્ક્રીન્સ પર રિલીઝ થઈ છે. આ ફિલ્મને સમીક્ષકોએ પણ સારા રિવ્યૂ આપ્યા છે અને રેટિંગ પણ સારી આપી છે. આ ફિલ્મે ત્રણ મોટા રેકોર્ડ પોતાના નામે કરી લીધાં છે. 1- પ્રથમ દિવસે બોક્સ ઓફિસ પર સૌથી વધુ કમાણી કરનારી બોલિવૂડની ફિલ્મ 2- આ ફિલ્મ યશરાજ, ઋતિક રોશન અને ટાઈગરના કેરિયરની પણ સૌથી મોટી ફિલ્મ બની ગઈ છે. 3- આ સિવાય કોઈ પણ હોલિડે પર રિલિઝ થયેલી ફિલ્મોની કમાણી મામલે પણ નંબર વન ફિલ્મ બની ગઈ છે. આ ફિલ્મને સિદ્ધાર્થ આનંદે ડાયરેક્ટ કરી છે. જેમાં ઋતિક રોશન અને ટાઈગર શ્રોફ સાથે વાણી કપૂર પણ છે.