વિરાટનું નવું ટેટુ ચિતરનારા એલિયન્સ કોણ છે?

નવી દિલ્હીઃ ટીમ ઇન્ડિયાના કેપ્ટન વિરાટ કોહલીના હાથે હવે એક નવું ઓમનું ટેટૂ આવી ગયું છે, આ સાથે કોહલીના શરીર પર કુલ 9 ટેટુ થઇ ગયા છે. વિરાટ કોહલીને ટેટૂ ચિતરાવવાનો ગજબનો શોખ છે અને આ શોખના કારણે સાઉથ આફ્રિકાની ટૂર બાદ પોતાના હાથ પર ઓમનું ટેટૂ ચિતરાવ્યું છે.

વિરાટ કોહલીનું ટેટુ એલિયન્સે ત્રોફ્યું છે, એલિયન્સ એ મુંબઇની બ્રાન્દ્રામાં આવેલી ટેટુની મોટી ઇન્સ્ટીસ્ટૂટ છે. વિરાટે એલિયન્સમાં પૈસા ચૂકવીને ઓમનું નવું ટેટુ ત્રોફાવ્યું છે.

શનિવારે વિરાટ બ્રાન્દ્રાના ટેટૂ પાર્લરમાં જોવા મળ્યો, ત્યાં શરીર પર ટેટુ ચિતરાવતો હતો. ડાબા હાથના ખભા પર વિરાટે ગૉઇસ આઇ (આંખ)નું ટેટુ ચિતરાવ્યુ છે અને બરાબર તેની પાછળ ઓમ (ॐ) નું ટેટુ બનાવ્યું છે.

નોંધનીય છે કે, વિરાટ કોહલીએ સાઉથ આફ્રિકા ટૂર શાનદાર રહી, ટેસ્ટ સીરીઝમાં ભલે હારનો સામનો કરવો પડ્યો પણ વનડે અને ટી-20માં સીરીઝ જીતીને તેને પોતાને બેસ્ટ કેપ્ટન સાબિત કર્યો છે. સીરીઝમાં તેને 4 સેન્ચૂરી અને શાનદાર પરફોર્મ કર્યું છે.

વિરાટના શરીર પર અલગ અલગ અનેક ટેટુ છે, જેમાં ડાબા હાથની હથેળીની બરાબર ઉપર મોનેસ્ટ્રીનું ટેટુ છે, જે શાંતિ અને ભક્તિનું પ્રતિક છે. આ ટેટુની ઠીક પાછળ કૈલાશ પર્વત અને માનસરોવર તળાવની સાથે ધ્યાનમગ્ન (મેડિટેટ કરતાં) ભગવાન શિવનું ટેટુ છે.

વિરાટના ડાબા હાથની ઉપર પણ ટેટુ છે, તેમાં પહેલું ટેટુ જાપાની સમુરાઇ યૌદ્ધાનું છે, અને તેના પાછળના ભાગે તેને પોતાના માતા-પિતાનું નામ હિન્દીમાં બનાવ્યું છે. ઉપરાંત તેને ટેસ્ટ અને વનડે કેપનો નંબર પણ હાથની પાછળની બાજુએ ચિતરાવ્યો છે.

વિરાટના આ ટેટુનો ફોટો એલિયન્સ ટેટુએ પોતાના ઇન્સ્ટાગ્રામ એકાઉન્ટ પર શેર કર્યું છે, એલિયન્સે કેપ્શનમાં “The man himself @virat.kohli at Aliens Tattoo Bandra. The humblest superstar I've ever met,” લખ્યું હતું.