યો યો હની સિંહ વગાડી રહ્યો છે તબલા, નવા મ્યૂઝિક વીડિયોની છે તૈયારી!

હની સિંહે ઇન્સ્ટાગ્રામ પર એક પોસ્ટમાં તબલા પ્રેમ વ્યક્ત કર્યો છે. તેણે સોશિયલ મીડિયા પર મ્યૂઝિકલ સેશનની ઝલક શેર કરી છે. જેમાં તે ભત્રીજા સાથે તબલા વગાડતો નજરે પડી રહ્યો છે.

‘ચાર બોટલ વોડકા’, ‘બ્રાઉન રંગ ને’, ‘અંગ્રેજી બીટ દે’, ‘બ્લૂ આઈઝ’, ‘લવ ડોઝ’ જેવા હનીસિંહના ગીત ઘણા લોકપ્રિય થયા છે. હાલ હની સિંહ તેના આગામી મ્યૂઝિક વીડિયોની તૈયારીમાં લાગ્યો છે અને કિક બોકસિંગ શીખી રહ્યો છે.

હની સિંહ હારમોનિયમ વગાડે છે અને તેની દરેક રચનાને સૌથી પહેલા હારમોનિયમ જ વગાડે છે. જે બાદ સાઉન્ડ મિક્સરનો પ્રયોગ કરવામાં આવે છે. હની સિંહ વિવિધ સંગીત ઇન્સ્ટ્રૂમેન્ટમાંથી પ્રેરણા લે છે અને વિશ્વના વિવિધ દેશો ખાસ કરીને આર્જેન્ટીનના સંગીતની વિવિધ શૈલીઓને સાંભળતો આવ્યો છે.

નવી દિલ્હીઃ યો યો હની સિંહ તેના હિપ-હોપ અને અપબીટ સંગીતના કારણે જાણીતો છે. આ ઉપરાંત સંગીતકાર તરીકે અનેક પ્રકારના મ્યૂઝિકલ ઇન્સ્ટ્રૂમેન્ટ અને ખાસ કરીને શાસ્ત્રીય ઇન્સ્ટ્રૂમેન્ટ વગાડવાનું ઘણું પસંદ કરે છે.

હની સિંહે ઈન્સ્ટાગ્રામ પર આ વીડિયો શેર કરીને લખ્યું કે, ‘મારા ભત્રીજા સ્પર્શ સંગમ સાથે તબલાનું સેશન શાનદાર રહ્યું. અમને મ્યૂઝિક ઘણું પસંદ છે, ક્લાસિકલ મ્યૂઝિક તબલા.’