Whatsapp કરી રહ્યું છે ડિજિટલ પેમેન્ટ સેગમેન્ટમાં એન્ટ્રીની તૈયારી, ટૂંકમાં કરશે જાહેરાત

નવી દિલ્હીઃ ઇન્સટન્ટ મેસેજિંગ એપ Whatsapp ડિજિટલ પેમેન્ટ સેગમેન્ટમાં એન્ટ્રી કરવાની તૈયારી કરી રહ્યું છે. શુક્રવારે 8 વર્ષ પૂરા થવા પર કંપનીના સહ સ્થાપક બ્રાયન એક્ટને કહ્યું કે, તેની કંપની વધારે લાભદાયક કારોબાર ગણાતા ડિજિટલ પેમેન્ટ સેગમેન્ટમાં એન્ટ્રી કરાવનું વિચારી રહી છે.

તેમણે કહ્યુ છે કે, વોટસએપએ હજુ સુધી અનટેપ્ડ કોમર્શીયલ મેસેઝીંગમાં એન્ટ્રી નથી કરી. અમે આ સેકટરમાં પણ જવા વિચાર કરી રહ્યા છીએ.

યુક્રેનના જોન કોમે એકટન સાથે મળીને ર૦૦૯માં વોટસએપની સ્થાપના કરી હતી. હાલ સમગ્ર દુનિયામાં ૧.ર બીલીયન માસિક એકટીવ વપરાશકારો છે. આમાથી ર૦ કરોડ ભારતમાં છે.

વોટસએપના ૮ વર્ષ પુરા થતા સ્ટેટસ ફિચરમાં મોટો ફેરફાર કરાયો છે જે હેઠળ હવે યુઝર વોટસએપ સ્ટેટસમાં ફોટો, વિડીયો અને જીઆઇએફ નાખી શકશે.