વિન્ડોઝ 10માં ભૂલ શોધવા પર માઈક્રોસોફ્ટ આપશે 1.6 કરોડ રૂપિયા, કંપનીએ શરૂ કર્યો Windows Bounty Programme

નવી દિલ્હીઃ જો તમે કરોડપતિ બનવા માગો છો તો તમારે માટે ખાસ તક છે, તેના માટે તમારે માઈક્રોસોફ્ટના વિન્ડોઝ 10 સોપ્ટબેરમાં ખામી (બગ) શોધવાનો રહેશે. વિશ્વની જાણીતી ટેક્નોલોજી કંપની માઈક્રોસોપ્ટે વિન્ડોઝ 10ને સૌથી સુરક્ષિત બનાવવા માટે Windows Bounty Programme શરૂ કર્યો છે. જે અંતર્ગત જો કોઈ વ્યક્તિ બિન્ડોઝ 10માં બગ શોધી આપશે તો કંપની તેને 500થી લઈને 2.5 લાખ ડોલર એટલે કે 1.6 કરોડ રૂપિયા આપશે. આ આગાઉ ગુગલ, ફેસબુક, અને એપલ જેવી કંપનીઝે પણ આ પ્રકારના કાર્યક્રમનું આયોજન કર્યું છે.

જયારે કંપની અનુસાર જો કોઈ શોધકર્તા એવી રીપોર્ટ રજુ કરે કે જેના વિશે માઈક્રોસોફ્ટને પહેલાથી જાણ છે. તેવી જાણકારી આપવાવાળા વ્યક્તિને ઇનામની ઉચ્ચતમ રકમનો 10મો ભાગ આપવામાં આવશે. એટલેકે અંદાજે 16 લાખ રૂપિયાનું ઇનામ આપવામાં આવશે.