સેમસંગે લોન્ચ કર્યો ફ્લિપ સ્માર્ટફોન, કિંમત iPhone કરતાં પણ મોંઘી

સેમસંગે W2018માં એક હાઈબ્રિડ ડ્યુઅલ સિમ સ્લોટ આપ્યો છે, જેમાં બે નેનો સિમ કાર્ડ અથવા એક નેનો અને એક માઈક્રો SD કાર્ડનો ઉપયોગ કરી શકો છો. ફોનમાં 2300mAHની બેટરી છે. આ ફોનની કિંમત 1,55,000 કરતા વધારે હોવાનું કહેવાઈ રહ્યું છે. ફોન ગોલ્ડ તેમજ સિલ્વર કલર વેરિયન્ટમાં મળશે.

સેમસંગ W2018માં રિયર પર અપર્ચર f/1.5 લેન્સ સાથે 12 મેગાપિક્સલ કેમેરા સેન્સર આપવામાં આવ્યા છે. કોઈ પણ સ્માર્ટફોનમાં આપવામાં આવેલું આ સૌથી વધારે અપર્ચર છે. ફોનમાં OIS સપોર્ટ છે, જેનાથી ફોટોસની ક્લિયારિટી ઘણી સારી આવે છે. સેલ્ફી અને વીડિયો કોલ માટે અપર્ચર f/1.9 સાથે 5 મેગાપિક્સલનો ફ્રંટ કેમેરા પણ છે.