WhatsApp લાવ્યું નવું ફીચર, હવે શેર કરી શકાશે Live Location

Whatsapp લાઈવ લોકેશન ફીચર પર છેલ્લા કેટલાક સમયથી કામ ચાલી રહ્યું હતું. આ ફીચર પણ મેસેજની માફક જ એન્ડ-ટૂ-એન્ડ ઈન્ક્રિપ્ટ હશે, મતલબ કે તમે જેની સાથે તમારી માહિતી શેર કરો છો તેના સિવાય કોઈ ત્રીજો વ્યક્તિ તેને જોઈ નહીં શકે.

અગાઉ પણ, એપ્સ અને ઈન્ટરનેટ કંપનીઓ આ ફીચર પર કામ કરી ચૂકી છે. ઉબરમાં પણ તમે ઈચ્છો તેની સાથે તમારી ટ્રીપનું સ્ટેટસ શેર કરી શકો છો, જેનાથી કેબની રિયલ ટાઈમ મૂવમેન્ટ ટ્રેસ કરી શકાય છે. જૂનમાં સ્નેપચેટે પણ લોકેશન-શેરિંગ ફીચર લાઈવ કર્યું હતું, જેને સ્નેપ મેપ નામ આપવામાં આવ્યું હતું. ગૂગલે 2009માં ગૂગલ લેટિટ્યૂડ નામની પ્રોડક્ટ લોન્ચ કરી હતી, જેને ચાર વર્ષ પહેલા બંધ કરી દેવાઈ છે.