શોધખોળ કરો

WhatsApp પર ફેસ ટૂ ફેસ વાત કરવામાં ભારતીય નંબર 1

Written By : એબીપી અસ્મિતા વેબ ટીમ | Updated at : 09 May 2017 08:20 AM (IST)

1/5

નવી દિલ્હીઃ અનેક ટેસ્ટિંગ પછી WhatsAppએ વિતેલા વર્ષે નવેમ્બરમાં પોતાની એપમાં વીડિયો કોલિંગ ફીચરને વિશ્વભરમાં યૂઝર્સ માટે લોન્ચ કર્યું હતું. તેના 6 મહિના બાદ WhatsAppએ જાણકારી આપી છે કે, ભારતીય વીડિયો કોલિંગ ફચીરનો ઉપયોગ કરવામાં વિશ્વમાં સૌથી આગળ છે.

2/5

કંપનીએ જાણકારી આપી છે કે, ભારતમાં વીડિયો કોલિંગ દરરોજ અંદાજે 50 કરોડ મિનિટ રેકોર્ડ કરવામાં આવે છે. જે વિશ્વભરમાં WhatsApp ઉપયોગ કરનારા કોઈપણ દેશની તુલનામાં સૌથી વધારે છે. આ આંકડાથી જાણકારી મળે છે કે, WhatsApp માટે ભારત કેટલું મહત્ત્વનું છે અને શા માટે કંપની પોતાના ભવિષ્યના બિઝનેસ પ્લાન્સ માટે ભારતને આટલું મહત્ત્વ આપી રહી છે.

3/5

WhatsAppએ પોતાના વીડિયો કોલિંગ ફીચરને લોન્ચ કરતા સમયે કહ્યું હતું કે, આ નવી વીડિયો કોલિંગ ફીચરને ભારતને ધ્યાનમાં રાખીને બનાવવામાં આવ્યું છે. જ્યાં યૂઝર્સ મોટેભાગે સ્લો ઇન્ટરનેટ કનેક્શનને કારણે મુશ્કેલી અનુભવે છે.

4/5

340 નિલિયન મિનિટ વીડિયો કોલિંગમાંથી 50 મિલિયન મિનિટ વીડિયો કોલિંગ માત્ર ભારતમાં જ કરવામાં આવે છે. તમને જણાવીએ કે, WhatsAppએ પોતાના પ્રતિસ્પર્ધીની તુલનામાં આ ફીચરને મોડેથી લોન્ચ કર્યું હતું. તેમ છતાં આટલા ઓછા સમયમાં આટાલ યૂઝર્સને પોતાના તરફ આકર્ષિત કરવા એ આશ્ચર્યની વાત છે.

5/5

WhatsAppના દર મહિને વિશ્વભરમાં કુલ 1.2 બિલિયન એક્ટિવ યૂઝર્સ છે. જેમાંથી દર મહિને 200 મિલિયન એક્ટિવ યૂઝર્સ એકલા ભારતમાં છે. કંપનીના વીડિયો કોલિંગ ફીચરને વિશ્વભરમાં ખૂબ જ ઝડપથી અપનાવવામાં આવ્યું છે. તેમાં વિશ્વભરમાં દરરોજ 340 મિલિયન મિનિટ વીડિયો કોલિંગનો આંકડો કંપનીએ નોંધાવ્યો છે. WhatsAppના દાવા અનુસાર આ એપના યૂઝર્સ 55 મિલિયન વીડિયો કોલ દરરોજ કરે છે.