બિહારમાં કોંગ્રેસની કમાન બે ગુજરાતીઓના હાથમાં, જાણો વિગત

ગુજરાત કોંગ્રેસના નેતા અને રાધનપુરના ધારાસભ્ય અલ્પેશ ઠાકોરની કોંગ્રેસના સેક્રેટરી અને બિહારના કો-ઇનચાર્જ તરીકે વરણી કરવામાં આવી હોવાની આજે જાહેરાત કરવામાં આવી હતી.

અમદાવાદઃ બિહાર કોંગ્રેસમાં પણ હવે ગુજરાતીની હાંક વાગશે. હાલમાં બિહાર કોંગ્રેસના પ્રભારી તરીકે શક્તિસિંહ ગોહિલ છે. આજે બિહારના કો ઇનચાર્જ તરીકે પણ ગુજરાતીની જ નિમણૂક કરવામાં આવી છે.

ઉલ્લેખનીય છે કે ગત સપ્તાહે કોંગ્રેસ અધ્યક્ષ રાહુલ ગાંધી દ્વારા ગુજરાતના 8 જિલ્લાના પ્રમુખોની નિમણૂક કરવામાં આવી હતી. જેમાં અમદાવાદ જિલ્લા પ્રમુખ તરીકે અલ્પેશ ઠાકોરના પિતા ખોડાજી ઠાકોરને હટાવીને તેમના સ્થાને પંકજસિંહ વાઘેલાની નિમણૂક કરવામાં આવી હતી.