ગુજરાત ભાજપના ટોચના નેતાના ભત્રીજાએ બીટકોઈન વટાવી 12 કરોડ અપાવ્યા, જાણો વિગત

આટલી મોટી તોડબાજીની ઘટનામાં એક પોલીસ ઈસ્પેક્ટરની હિંમત હોય તેવું લાગી રહ્યું નથી. તેની પાછળ અન્ય મોટા પોલીસ અધિકારીઓ પણ હોવાની શક્યતા છે. આગામી સમયમાં સીઆઈડી ક્રાઈમ આ 11 આરોપીઓ ઉપરાંત આ કેસમાં પોલીસ અધિકારીઓ સહિત અન્ય આરોપીઓની ધરપકડ કરે તેવી શક્યતા નથી.

12 કરોડના ભાગ પાડવામાં આવ્યા તેમાં અનંત પટેલ અઢી કરોડ અને ભાજપના નેતાને અઢી કરોડ તેમજ સાત કરોડ રૂપિયા અન્ય એક પોલીસ અધિકારીને આપવામાં આવ્યા હતાં. હવે આ મામલે સીઆઈડી ક્રાઈમ તપાસ કરે છે કે નહીં તે જોવાનું રહ્યું. જો અમરેલી પોલીસનો વહીવટદાર મુંબઈ હવાઈ માર્ગે ગયો હતો કે નહીં તે જાણવા મળે તો પણ બીટકોઈનનું રૂપિયામાં રૂપાંતર થવાની વાતને સમર્થન મળી શકે છે.