નલિયા સામૂહિક બળાત્કારકાંડઃ ભાજપે 4 કાર્યકરોને સસ્પેન્ડ કર્યા, 3ની ધરપકડ

નોંધનીય છે કે, મૂળ કચ્છની અને મુંબઇ રહેતી યુવતી પર 10 વ્યક્તિઓ દ્ધારા સામૂહિક બળાત્કાર અને બાદમાં તેનો વીડિયો બનાવી બ્લેકમેઇલિંગ કર્યાની ઘટનાની તપાસ માટે સ્પેશ્યલ ઇન્વેસ્ટિગેશન ટીમની રચના કરવામાં આવી છે. કચ્છ વેસ્ટ પોલીસ સુપરિટેન્ડેટની અધ્યક્ષતામાં આ ટીમ કેસની તપાસ કરશે.

તેમણે જણાવ્યું હતું કે, હજુ સુધી આ કેસમાં કોઇની ધરપકડ કરવામાં આવી નથી. અમે આરોપીઓ વિરુદ્ધ પુરાવાઓ એકઠા કરી રહ્યા છીએ. મેજીસ્ટ્રેટ સામે પીડિતાનું સ્ટેટમેન્ટ લેવામાં આવશે ત્યારબાદ આગળની કાર્યવાહી હાથ ધરાશે.

પીડિતાએ દાવો કર્યો હતો કે આરોપીઓ દ્ધારા કચ્છમાં સેક્સ રેકેટ ચલાવવામાં આવી રહ્યું છે. આ રેકેટમાં નેતાઓ સહિત અનેક મોટા માથાઓ સંડોવાયેલા હોઇ શકે છે. પીડિતાએ આશંકા વ્યક્ત કરી હતી કે આરોપીઓએ અનેક યુવતીઓને શિકાર બનાવી હોઇ શકે છે. પશ્વિમ કચ્છના એસપી મકરંદ ચૌહાણે જણાવ્યું હતું કે, પશ્વિમ કચ્છના લોકલ ક્રાઇમ પોલીસ ઇન્સ્પેક્ટર જે.એમ.આલ, પોલીસ સબ ઇનસ્પેક્ટર પ્રવિણા તબિયાર, પીએસઆઇ રેખા સિસોદિયાનો આ ટીમમાં સમાવેશ કરવામાં આવ્યો છે.

ભાજપ દ્વારા સેક્સ કાંડના સૂત્રધાર મનાતા નલિયાની ગેસ એજન્સીના સંચાલક અને અબડાસા ભાજપ બક્ષીપંચ મોરચાના પ્રમુખ શાંતિલાલ દેવજીભાઇ સોલંકી, ગાંધીધામ શહેર ભાજપના મહામંત્રી ગોવિંદ અરજુનદાસ પારૂમલાણી, ગાંધીધામ નગરપાલિકાના સભ્ય અજીત રામવાણી તેમજ ગાંધીધામના જ પાલિકા સદસ્ય અને પૂર્વ કારોબારી ચેરમેન વસંત કે. ભાનુશાલીને ભાજપના પ્રાથમિક સભ્યપદેથી દૂર કરવામાં આવ્યા છે.

પીડિતાએ કહ્યું કે, તે નલિયામાં સોલંકી એલપીજી ગેસ એજન્સીમાં કામ કરતી હતી તે દરમિયાન એડવાન્સ સેલેરી આપવાના બહાને શાંતિભાઇ સોલંકીએ મને તેમના ઘરે બોલાવી હતી. ત્યારે ડ્રિંક્સમાં દવા નાખી મને બેભાન કરી મારા પર રેપ ગુજાર્યો હતો. પીડિતાએ કહ્યું કે ઘટના સમયે ઘરમાં સોલંકીના મિત્ર ભરત દરજી, વિપુલ ઠક્કર હાજર હતા. તેમણે પણ મારા પર રેપ ગુજાર્યો હતો. તે સિવાય પીડિતાએ કેતન ઠક્કર, અતુલ ઠક્કર, બાબા ચૌહાણ, અશ્વિન ઠક્કર, ગાંધીધામના ગોવિંદ, આદિપુરના વસંત અને અન્ય એક અજાણ્યા વ્યક્તિનું નામ આપ્યું હતું.

પીડિતાએ આક્ષેપ લગાવ્યો હતો કે આરોપીઓએ તેનો સેક્સ વીડિયો બનાવી તેને બ્લેકમેઇલિંગ કરી રહ્યા હતા. પીડિતાએ મુંબઇના નાલાસોપારાની હોટેલમાં ઝેર પીને આત્મહત્યાનો પ્રયાસ કર્યો ત્યારે આ ઘટના પ્રકાશમાં આવી હતી. યુવતીએ અબડાસા તાલુકામાં બીજેપી ઓબીસી સેલના કન્વિનર શાંતિભાઇ સોલંકી સહિત 10 લોકો વિરુદ્ધ ફરિયાદ નોંધાવી હતી.

પોલીસને આપેલી ફરિયાદમાં બળાત્કાર પીડિતાએ બીજેપીના સ્થાનિક હોદ્દેદાર સહિત 10 વ્યક્તિઓ પર એક વર્ષ સુધી ગેંગરેપ કર્યાનો આરોપ લગાવ્યો છે. મુંબઇના નાલાસોપારા વિસ્તારમાં રહેતી 25 વર્ષીય યુવતીએ 25 જાન્યુઆરીના રોજ નલિયા પોલીસ સ્ટેશનમાં ફરિયાદ નોંધાવી હતી કે છેલ્લા એક વર્ષથી 10 વ્યક્તિઓએ અલગ અલગ સ્થળો પર મારા પર ગેંગરેપ કરવામાં આવ્યો છે. આ ઘટના ઓગસ્ટ 2015ની છે.

ભુજ: નલિયા સામૂહિક બળાત્કાર કાંડના પડઘા ગુજરાતભરમાં પડ્યા પછી હવે ભાજપ હરકતમાં આવ્યું છે. આ કાંડમાં પોલીસ ચોપડે ચડેલા ચાર કાર્યકર્તાને ભાજપે પક્ષના પ્રાથમિક સભ્યપદેથી સસ્પેન્ડ કર્યા છે. નલિયા બળાત્કારના 9 આરોપી સામે ફરિયાદ નોંધાયા બાદ 12 દિવસે પોલીસે પિતા-પુત્ર સહિત ત્રણ આરોપીની ધરપકડ ધરી લીધી હતી. પોલીસે નખત્રાણાના અશ્વિન ઠક્કર તથા નલિયાના વિનોદભાઇ વિશનજીભાઇ ભીંડે અને તેના પુત્ર ચેતન ભીંડેને પકડી પાડ્યા હતા.

એક રિપોર્ટ પ્રમાણે, પતિ સાથે અણબનાવ બન્યા બાદ પીડિતા નલિયા પાસે આવેલા પોતાના ગામ કોઠરા માતા પાસે રહેવા આવી ગઇ હતી. તેને ગુજરાત માટે નોકરીની જરૂર હોઇ તે નોકરીની શોધમાં હતી. એટલામાં તેની મુલાકાત બાબા ચૌહાણ સાથે થઇ હતી. ચૌહાણ તેણીને સોલંકી પાસે લઇ ગયો હતો.