ગુજરાત: કૉંગ્રેસે રાજ્યસભાની બે બેઠકો માટે નારણ રાઠવા અને અમિબેન યાજ્ઞિકના નામ જાહેર કર્યા

કૉંગ્રેસે રાજ્યસભા ચૂંટણીમાં ગુજરાતમાંથી બે બેઠકો માટે ઉમેદવારોના નામની જાહેરાત કરતા પ્રદેશ પ્રમુખ ભરતસિંહ સોલંકીએ કહ્યું, કૉંગ્રેસ આદિવાસી સમાજને મહત્વ આપ્યું છે. આદિવાસી સમાજમાં પણ ઉત્સાહ દેખાશે. મહિલા પ્રતિનિધિત્વ માટે અમીબેન યાજ્ઞિકને ટિકીટ આપવામાં આવી છે.

અમદાવાદ: ગુજરાતમાં વિધાનસભાની ચૂંટણી બાદ રાજ્યસભાની ચૂંટણીનો ધમધમાટ શરૂ થઈ ગયો છે. ત્યારે ગુજરાતમાં કોંગ્રેસે રાજ્યસભાની ચૂંટણી માટે બે ઉમેદવારોના નામની જાહેરાત કરી છે. કૉંગ્રેસે ગુજરાતમાંથી પૂર્વ કેંદ્રીય મંત્રી નારણ રાઠવા અને અમિબેન યાજ્ઞિકના નામની જાહેરાત કરી છે. કૉંગ્રેસના બંને ઉમેદવારો આવતીકાલે ઉમેદવારી નોંધાવશે.