દાહોદ: ડ્રાઈવરને ઝોકું આવતાં કોંગ્રેસના કયા MLAને નડ્યો અકસ્માત, જાણો વિગત

આ ટક્કર બાદ ધારાસભ્ય વજેસિંહ પણદાની કાર ગોળ ફરીને ડિવાઇર સાથે ધડાકાભેર અથડાઇ હતી. જેથી વજેસિંહના માથે અને દાઢીના ભાગે ઈજાઓ થઈ હતી જ્યારે કારમાં સવાર ચાલક સહિત ત્રણેને ઉંની આંચ આવી ન હતી. અકસ્માત અંગે 108ને જાણ કરાઇ હતી. 108 આવતાં ધારાસભ્યને સારવાર માટે દાહોદ ખસેડાયા હતાં.

દાહોદના ધારાસભ્ય વજેસિંહ પણદાનો ડ્રાઈવર વરસિંગ બારિયા જીજે-20-એન-8132 નંબરની કાર લઈને ધારાસભ્ય વજેસિંહને લેવા માટે અમદાવાદ ગયો હતો. કારમાં ધારાસભ્ય સાથે APMCના અન્ય બે સભ્યો હરીશભાઇ અને સુરેન્દ્રભાઇ પણ સવાર હતાં. દાહોદ-ગોધરા હાઇવે ઉપર વટેડા ગામે પરોઢના વહેલી સવારે ચાલક વરસિંગને કોઈ કારણોસર ઝોંકુ આવી જતાં કાર આગળ ચાલતી એક જીપ સાથે અથડાઇ હતી.