દાહોદ: ડ્રાઈવરને ઝોકું આવતાં કોંગ્રેસના કયા MLAને નડ્યો અકસ્માત, જાણો વિગત

આ ટક્કર બાદ ધારાસભ્ય વજેસિંહ પણદાની કાર ગોળ ફરીને ડિવાઇર સાથે ધડાકાભેર અથડાઇ હતી. જેથી વજેસિંહના માથે અને દાઢીના ભાગે ઈજાઓ થઈ હતી જ્યારે કારમાં સવાર ચાલક સહિત ત્રણેને ઉંની આંચ આવી ન હતી. અકસ્માત અંગે 108ને જાણ કરાઇ હતી. 108 આવતાં ધારાસભ્યને સારવાર માટે દાહોદ ખસેડાયા હતાં.

દાહોદના ધારાસભ્ય વજેસિંહ પણદાનો ડ્રાઈવર વરસિંગ બારિયા જીજે-20-એન-8132 નંબરની કાર લઈને ધારાસભ્ય વજેસિંહને લેવા માટે અમદાવાદ ગયો હતો. કારમાં ધારાસભ્ય સાથે APMCના અન્ય બે સભ્યો હરીશભાઇ અને સુરેન્દ્રભાઇ પણ સવાર હતાં. દાહોદ-ગોધરા હાઇવે ઉપર વટેડા ગામે પરોઢના વહેલી સવારે ચાલક વરસિંગને કોઈ કારણોસર ઝોંકુ આવી જતાં કાર આગળ ચાલતી એક જીપ સાથે અથડાઇ હતી.

ઈજાગ્રસ્ત થયેલા ધારાસભ્યને લોહીલુહાણ હાલતમાં 108 મારફતે તેમને સારવાર માટે ખસેડાયા હતાં. કારમાં સવાર ચાલક સહિત ત્રણ લોકોને ઉંની આંચ આવી ન હતી. અમદાવાદથી પરત આવતાં આ અકસ્માત સર્જાયો હતો.

દાહોદઃ લીમખેડા નજીક વટેડા ગામે દાહોદ-ગોધરા હાઇવે ઉપર વહેલી સવારે ધારાસભ્યની કારના ચાલકને ઝોંકુ આવતાં આગળ ચાલતી જીપને ટક્કર માર્યા બાદ ગોળ ફરીને કાર ડિવાઈડરને અથડાઈ હતી. અકસ્માતની જાણ 108ને કરવામાં આવી હતી.