ભાજપના કાઉન્સિલરે યુવતીને ઘરમાંથી ઉઠાવી બનાવી હવસનો શિકાર, જાણો કોણ છે

પીડિતાએ ફરિયાદમાં જણાવ્યું હતું કે, જીતુ રાણાએ બળાત્કાર બાદ આ વાત કોઇને જાણ કરીશ તો જાનથી મારી નાખવાની ધમકી પણ આપી હતી. આ ફરિયાદને લઈને પોલીસે ભાજપના સદસ્યની અટકાયત કરી વધુ તપાસ શરૂ કરી.

ડીસાઃ બનાસકાંઠાના ડીસામાં ભાજપના નગરસેવક પર એક સગીરા પર બળાત્કાર ગુજાર્યો હોવાનો આરોપ લાગતા ખળભળાટ મચી ગયો છે. બળાત્કારની ફરિયાદ બાદ પોલીસે ભાજપના નગરસેવકની ધરપકડ કરી છે.

આ મુદ્દે ભોગ બનેલી યુવતીના પરિવારે પોલીસ ફરિયાદ નોંધાવતાં ભાજપમાં હડકંપ મચી જવા પામ્યો છે. સગીરાએ આરોપ લગાવતા કહ્યું હતું કે જીતુ રાણાએ શુક્રવારના રોજ તેને જબરદસ્તીથી ઘરમાંથી ઉઠાવી ગયો હતો અને બળાત્કાર ગુજાર્યો હતો.

મળતી વિગતો અનુસાર, ડીસા નગર પાલિકાના ભાજપના સભ્ય જીતુ રાણા સામે ડીસા હાઇવે પર વેલુ નગર વિસ્તારમાં રહેતી સગીરાએ બળાત્કારનો આરોપ લગાવ્યો છે. જે મામલે યુવતીના પરિવારજનોએ ડીસા પોલીસ સ્ટેશનમાં ફરિયાદ નોંધાવતા પોલીસે નગરસેવક જીતુ જેસુગભાઈ રાણા અને અન્ય એક ઈસમ સામે ગુનો નોંધી તપાસ હાથ ધરી છે.