દાહોદઃ યુવતીને બંધક બનાવી ત્રણ યુવકોએ ગુજાર્યો સામૂહિક બળાત્કાર, એક રંગેહાથ ઝડપાઇ જતાં કેવા કર્યા હાલ?

માસી અને તેના ભાણો-ભાણી નીચે પડી ગયા પછી આ આરોપીઓ આ ત્રણેયને એક મકાનમાં ખેંચી ગયા હતાં. જ્યાં ભાણીયાને મારી નાંખવાની ધમકી આપી બે યુવકોએ યુવતી પર બળાત્કાર ગુજાર્યો હતો. જોકે, દોડી આવેલા લોકોએ પથ્થરમારો કરતાં ચાર યુવકો ફરાર થઇ ગયા હતાં, જ્યારે અન્ય એક યુવક દિનેશ ભાભોર રંગેહાથ ઝડપાતાં તેને થાંભલા સાથે બાંધી દેવાયો હતો. આ ઘટનાને પગલે સમગ્ર વિસ્તારમાં ખળભળાટ મચી ગયો હતો.

આ અંગેની વિગતો એવી છે કે, લઘુમતિ કોમની 17 વર્ષીય યુવતી પોતાની બહેના દીકરા અને દીકરીને સ્કૂટી પર બેસાડીને રળિયાતી ગામની દરગાહ પાસે બપોરે માટી લેવા જઈ રહી હતી, ત્યારે રળિયાતી ગામે બાયપાસ રોડ ઉપર બે મોટર સાઇકલ ઉપર આવેલા મોટી ખરજ ગામના દીનેશ મુનિયા ભાભોર, વીનુ જોરસિંગ ભાભોર, ભાવસિંગ ધીરા ભાભોર તેમજ અન્ય બે અજાણ્યા યુવકોએ તેમને આંતર્યા હતા અને સ્કૂટી પરથી બધાને પાડી દીધા હતા.