1લી એપ્રિલથી પેસેન્જર વાહનોમાં ફરજિયાત આ ડિવાઈસ લગાવવું પડશે, જાણો લોકોને શું થશે ફાયદો

આ મામલે વાહનવ્યવહાર વિભાગના અધિક મુખ્ય સચિવ વિપુલ મિત્રાએ મીડિયા સાથેની વાતચીતમાં કહ્યું કે, ગુજરાતમાં એસટીની 7000 બસોમાં જીપીએસ સિસ્ટમ લગાવવામાં આવી છે. સુપ્રિન કોર્ટના આદેશનો અમલ કરવા માટે જ્યારે પણ આરટીઓમાં અન્ય પેસેન્જર વાહનો ફિટનેસ ચેકિંગ માટે આવે ત્યારે તેમાં જીપીએસ સિસ્ટમ લાગેલી છે કે નહીં તેની તપાસ કરવામાં આવે છે. 1લી એપ્રિલ પછી વાહનમાં જીપીએસ સિસ્ટમ નહીં હોય તો કડક કાર્યવાહી કરવામાં આવશે.

એટલું જ નહીં વાહનોમાં માત્ર જીપીએસ સિસ્ટમ જ નહીં પરંતુ પેનીક બટન સિસ્ટમ પણ લોડ કરવાની રહેશે. જે સીધા જ પોલીસ કન્ટ્રોલ રૂમ સાથે કનેક્ટેડ રહેશે.