વિધાનસભાની જેમ સ્થાનિક સ્વરાજની ચૂંટણી પણ યોજાશે બે તબક્કામાં, જાણો પહેલા ક્યાં યોજાશે ચૂંટણી

વિધાનસભા ચૂંટણીના એક જ મહિના પછી યોજાનારી સ્થાનિક સ્વરાજ્યની સંસ્થાઓની ચૂંટણીઓ ભાજપ-કોંગ્રેસનું પાણી અને પ્રજાના મૂડ મપાઈ જશે. 14મી વિધાનસભામાં ધારાસભ્યોની શપથવિધિ ઉત્તરાયણ પછી યોજાશે અને ત્યાર બાદ બજેટ સત્ર 22 ફ્રેબુઆરી આસપાસ શરૂ થવાના અણસાર છે.

વિધાનસભા ચૂંટણીમાં આ બંને જિલ્લાઓ સહિત જે જિલ્લામાં પાલિકાની ચૂંટણી યોજાઈ રહી છે તેવા અમરેલીમાં 4, જૂનાગઢમાં 6, મોરબીમાં 1 સહિત સૌરાષ્ટ્રના વિસ્તારોમાં ભાજપનો સફાયો થયો છે. ભાજપનું આધિપત્ય ધરાવતી 59માંથી 37 નગરપાલિકાઓ એવી છે કે જ્યાં કોંગ્રેસના ધારાસભ્યો ચૂંટાયા છે જ્યારે 38 પાલિકાઓને આવરી લેતા મતક્ષેત્રોમાં ભાજપના કબજામાં રહ્યા છે.