મોંઘી કારોના કાફલા ને લાઈફસ્ટાઈલના પૈસા ક્યાંથી આવે છે? હાર્દિક પટેલે શું આપ્યો જવાબ?

અમદાવાદ: પાટીદાર અનામત આંદોલન સમિતી (પાસ)ના કન્વિનર હાર્દિક પટેલે પોતે કારોનો કાફલો રાખે છે ને સારી લાઈફ સ્ટાઈલ જીવે છે તે બધું સમાજના પૈસે કરે છે તેવું કહ્યું છે. હાર્દિકે એણ પણ કહ્યું કે, હું એટલો ગરીબ પણ નથી કે સારાં કપડાં ના પહેરી શકું.

એક જાણીતા ગુજરાતી અખબારને આપેલા ઈન્ટરવ્યૂમાં હાર્દિક પટેલને સવાલ પૂછાયો હતો કે, તમારી પાસે મોંઘી ગાડીઓનો કાફલો રાખવાના અને લાઈફ સ્ટાઈલના પૈસા ક્યાંથી આવે છે? હાર્દિકે તેનો એવો જવાબ આપ્યો કે, આ બધા માટે પૈસા મારો સમાજ આપે છે અને હું એટલો પણ ગરીબ નથી કે સારા કપડાં પણ ના પહેરી શકું.