તલાટીની પરીક્ષામાં હાઈટેક ટેક્નોલોજીથી ચોરી કરતા 2 વિદ્યાર્થી ઝડપાયા

પોલીસ ઘટનાની તપાસ કરતા રમેશ ગોલાણીને તેની પત્ની વર્ષાબેન ગોલાણી અને જયેશને તેનો મોટોભાઇ દિનેશ પટેલ ઘેર બેઠા પેપરના જવાબ લખાવતા હોવાનું જાણવા મળ્યું હતું. આથી પોલીસે ચારેય આરોપીઓને કોર્ટમાં રજૂ કર્યા હતા. આ ચારેય આરોપીઓ સામે આઇપીસીની સાથે આઇટી એકટની કલમો લગાવાઇ છે.

ઘટનાની મળતી માહિતી પ્રમાણે, રાજ્યમાં તલાટીની પરીક્ષા લેવાઈ હતી. જેમાં બે વિદ્યાર્થીઓ હાઈટેક ગેજેટ પહેરીને પરીક્ષાખંડમાં બેઠા પછી તેમને ધરેથી બે મહિલાઓ પેપર લખાવી રહી હતી. આ ઘટનામાં પોલીસે એક વિદ્યાર્થી અને ભાજપના યુવા મોરચાના પૂર્વ હોદ્દેદાર રમેશ નરશીભાઇ ગોલાણી તથા જયેશ વાસુદેવભાઇ પટેલની ધરપકડ દરમિયાન આ સમગ્ર મામલો બહાર આવ્યો છે.