ઇડરમાં હાર્દિકનો શંખનાદ, કહ્યું- "હવે પાછા પડીએ તો માની આંતરડી દુભાય,સમાજના જયચંદો-અમીચંદોથી ચેતજો"

ઇડરના સદાતપુરા ખાતે યોજાયેલી સભા અગાઉ હાર્દિકનું ભવ્ય સ્વાગત કરવામાં આવ્યું હતું. ત્યારબાદ બાઇક રેલી સાથે હાર્દિક પટેલનો કાફલો સભાસ્થળ પર પહોંચ્યો હતો. જ્યાં પાટીદાર યુવાનો દ્વારા ગુલાબનો હાર પહેરાવી સન્માન કરવામાં આવ્યું હતું.

બાદમાં સાબરકાંઠાના પાસના કન્વીનર રવિ પટેલે પણ સભાને સંબોધી હતી. ત્યારબાદ હાર્દિક પટેલે સભાને સંબોધતા ઈડરના ધારાસભ્ય અને તેમના અંગત પાટીદાર અગ્રણીઓ પર પ્રહાર કર્યા હતા. હાર્દિક પટેલે ઇડર પંથકની જનતાને શત શત પ્રણામ કહીને ભાષણની શરૂઆત કરી હતી.