ગાંધીનગર: માનતા પુરી કરવા આજે હાર્દિક પટેલ રૂપાલ જશે, પોલીસે ફાડ્યા પોસ્ટર

પોલીસે હાર્દિક પટેલા પોસ્ટર ફાડ્યા છે તે વાતને લઇને જિલ્લા વિકાસ અધિકારીએ કહ્યું હતું કે આ પ્રકાનો બનાવ બન્યો હોય તેની માહિતી હજુ મારા સુધી આવી નથી. રૂપાલમાં પોલીસે હાર્દિકના પોસ્ટર ફાડવામાં આવતા પાટીદારોમાં રોષ જોવા મળ્યો હતો.

પેથાપુર પોલીસ સ્ટેશનના પીઆઇએ ફોન ઉપાડવાની તસ્દી દીધી હતી. પરંતુ પોલીસ દ્વારા પોસ્ટર ફાડવાની બાબતને લઇને એસપીએ કહ્યું હતું કે, પોલીસનું કામ સુરક્ષા કરવાનું છે. માતાજીના મંદિરમાં સોનાના દાગીના પડ્યા છે. ત્યારે પોલીસ પેટ્રોલીંગ કરે છે. પરંતુ પોલીસે પોસ્ટર ફાડ્યા તે વાત તદ્દન ખોટી છે. ગામમાં બે ભાગ પડી ગયા છે ત્યારે ઉશ્કેરવા માટે કામ કરવામાં આવ્યું હોય તેવું લાગે છે.