ગુજરાતમાં સગીર વાહન ચલાવતાં પકડાય તો તેનાં માતા-પિતાને કેટલા વર્ષની થશે કેદ? જાણો RTOનો નવો નિયમ

અમદાવાદઃ હાલમાં વોટ્સએપમાં ડ્રાઈવિંગ લાઈસન્સ સંદર્ભે અનેક નવા નિયમોની યાદી ફરી રહી છે. જેમાં હેલમેટ, બીઆરટીએસ, રોડ દુર્ઘટના, ડ્રાઈવિંગ લાઈસન્સ, સગીર વાહન ચલાવતો હોય તો મોબાઈલ પર વાત કરતી વખતેનો દેડ વગેરેના નવા નિયમો જણાવવામાં આવ્યા છે. જોકે આ મામલે આરટીઆઓ તરફથી કોઈ સ્પષ્ટતા કરવામાં આવી નથી.

વોટ્સએપમાં વાયરલ થયેલ આરટીઓના નવા નિયમમાં કહેવામાં આવ્યું છે કે, કોઇ સગીર વાહન ચલાવતા પકડાશે તો તેના ગાર્ડિયનને 25 હજાર રૂપિયા સુધીનો દંડ અને ત્રણ વર્ષની સજા પણ થઇ શકે છે.

ઉપરાંત હેલમેટ વગર બાઈક ચલાવવા પર 1000 રૂપિયાનો દંડ ભરવાની વાત કહેવામાં આવી છે. ઉપરાંત રોડ દુર્ઘટનામાં મોતના મામલે વાહન ચાલકને બે વર્ષની જગ્યાએ સાત વર્ષની સજા ભોગવવી પડશે.