નલિયા ગેંગરેપની ચર્ચાસ્પદ ગણાતી 'ભાભી' અંગે પીડિતાએ શું કર્યો ચોંકાવનારો ખુલાસો

આ માટે જિલ્લાકક્ષાએથી વધુમાં વધુ રૂપિયા એક લાખ જ્યારે રાજ્ય બોર્ડમાંથી રૂપિયા બે લાખ સહાય કરવામાં આવશે. આ માટે તંત્ર દ્વારા વહીવટી પ્રોસિઝર શરૂ કરી હોવાનું પ્રોટેક્શન ઓફિસર બી.કે. ગઢવીએ જણાવ્યું હતું.

નલિયામાં સામૂહિક દુષ્કર્મકાંડનો ભોગ બનેલી પીડિતાને જિલ્લા તંત્ર અને રાજ્ય સરકાર દ્વારા રૂપિયા ત્રણ લાખની સહાય કરવામાં આવશે. મળતી વિગત મુજબ મહિલા આયોગના સભ્યોએ કલેક્ટર સાથે બેઠક કરી હતી અને આ બાબતે સૂચના આપી હતી.

મૂળ ઉત્તરપ્રદેશની ગીતા રાત-દિવસ પોતાનો ચહેરો દુપટ્ટાથી બાંધેલો જ રાખે છે અને તે માત્ર પીડિતાના સંપર્કમાં આવી હતી. પ્રથમથી વિવાદાસ્પદ રહેલી ભાભીની ભૂમિકા શંકાસ્પદ ગણાતી હતી પરંતુ પીડિતાના પતિએ ગઇકાલે ભાભી ખૂબ જ સારા હોવાનું કહી તેમને ક્લીનચીટ આપી હતી.

મળતી વિગતો અનુસાર, પીડિતાએ ભાભી તરીકે ઓળખાતી મહિલાનું નામ ગીતા હોવાનો સ્વીકાર કર્યો છે. સૂત્રોના કહેવા પ્રમાણે, ગીતા છેલ્લા 2 દિવસથી એલસીબી-મહિલા પોલીસમાં નજર કેદ હોવાનું જાણવા મળ્યું છે.

ભુજ: નલિયાના ગેંગરેપ કેસમાં મહત્વની કડીરૂપ ગણાતી ‘ભાભી’ તરીકે ઓળખાતી મહિલા કોણ છે તેને લઇને ખુલાસો થયો છે. કેસમાં શરૂઆતથી જ વિવાદમાં રહેલી ‘ભાભી’ અતુલના ત્યાં કામ કરતી ગીતા હોવાનો ખુલાસો થયો છે.

મીડિયા સાથેની વાતચીતમાં ભુજથી 4 કિલોમીટર દૂર આવેલા એક ગામમાં રહેતી ગીતા અતુલ ઠક્કરની લોહાણા સમાજની વાડીની કેન્ટીનમાં ભાભી ઉર્ફ ગીતા રોટલી વણવાનું કામ કરે છે. અહીંથી જ પીડિતા ગીતાના સંપર્કમાં આવી હતી.

9 મહિના પૂર્વે અતુલની ગેરહાજરીમાં કેન્ટીનમાં જઇ પહોંચેલી પીડિતા ભાભી ઉર્ફે ગીતાના સંપર્કમાં આવી હતી. અહીં તેને પોતાની આંતરીક તકલીફો જણાવતાં ગીતાએ તેને પોતાના ઘરે 2 દિવસ આશરો આપ્યો હતો.