ગુજરાતમાં બે દિવસ ભારે વરસાદની આગાહી, જાણો શું છે કારણ અને ક્યારે ક્યાં પડશે ધોધમાર વરસાદ?

એજ રીતે ઉત્તર પ્રદેશ ઉપર લોપ્રેશર સિસ્ટમ સર્જાઈ છે. સિસ્ટમ મધ્ય પ્રદેશ થઈ ગુજરાત તરફ આગળ વધી રહી છે. બન્ને સિસ્ટમ ગુજરાત ઉપર સક્રિય થતા ગુરુવારથી રાજ્યમાં ભારે વરસાદ પડવાની શક્યતા છે. વધુમાં 14થી 16 જુલાઈ દરમિયાન અમદાવાદ સહિત રાજ્યના લગભગ તમામ વિસ્તારોમાં ભારેથી અતિભારે વરસાદની શક્યતા છે. વધુમાં હાલ અમદાવાદ સહિત રાજ્યમાં છૂટાછવાયા વરસાદી ઝાપટાં ચાલુ રહ્યા હતા. જેના કારણે તાપમાનમાં ઘટાડો થવાની સાથે ભેજનું પ્રમાણ વધતા ઠંડક પ્રસરી હતી.

16મી જુલાઈએ બનાસકાંઠા, સાબરકાંઠા, મહેસાણા, ગાંધીનગર, અમદાવાદ, દમણ અને દાદરા નગર હવેલીમાં ભારે વરસાદની આગાહી જ્યારે 16મી જુલાઈએ સુરેન્દ્રનગર, મોરબી, પોરબંદર, કચ્છ અને દીવમાં ભારેથી અતિ ભારે વરસાદની આગાહી કરવામાં આવી છે.