દાહોદમાં ધોરણ 10નું ગુજરાતીનું પેપર લીક, મામલતદારે સ્કૂલના રૂમનું તાળું તોડતા ઝેરોક્ષ મશીન મળ્યું

ગાંગરડીવાલાએ પોતાના ડ્રાયવર સાથે ચાવીઓ તો મોકલી હતી પરંતુ શંકા હતી તે રૂમની જ ચાવી નહોતી. જેથી મામલતદાર પટેલે તાળુ તોડાવતાં રૂમમાંથી એક મીની ઝેરોક્ષ મશીન સાથે ગુજરાતીના સોલ્વ કરેલા પેપરની ફાડી નાખેલા ટુકડા, માઇક્રો ઝેરોક્ષ કરવા માટે ફાડેલા કાગળો, ધો. 10ની ગુજરાતીની ચોપડી મળી આવી હતી.

પરીક્ષા છુટ્યા બાદ ફાડેલા ટુકડા સાથે સરખાવતાં તે ગુજરાતીના પેપરના જ હોવાનું જણાતાં ખળભળાટ મચી ગયો હતો. આ મામલે મામલતદાર પટેલે પંચનામુ કરીને તમામ ચીજવસ્તુઓ સીલ કરવામાં આવી હતી. આ કૌભાંડ આચરતાં પૂર્વે સીસી ટીવી કેમેરા પણ બંધ કરી દેવામાં આવ્યા હતાં. ખળભળાટ મચાવતી આ ઘટના અંગે જિલ્લા શિક્ષણાધિકારીએ પોલીસ ફરિયાદ નોંધાવવાની કાર્યવાહી હાથ ધરી છે.