તાપીમાં નકલી નોટો છાપવાનું કારખાનું ઝડપાયું, સ્કેન કરીને છપાતી હતી 100ની નકલી નોટ

ચલણી નોટ આરોપી સુનમનભાઈ રમતાભાઈ ગામીત તેના મિત્ર સહ આરોપી ગણેશ ગીબીયાભાઈ ગામીત વિપુલ સોમાભાઈ ગામીતની સાથે પોતાના ઘરે ભેગા મળીને નકલી નોટ છાપતાં હતાં. પોલીસે તેના ઘરમાંથી તપાસ કરતાં સ્કેનર પ્રિન્ટર કાતર નંગ 2 તથા ચલણી નોટ મળી આવી હતી.

પોલીસ પુછપરછમાં આ કામ છેલ્લા એકાદ મહિનાથી ચાલતું હોવાની હકીકત સામે આવી છે. પોલીસે તમામ નોટ અને વસ્તુઓ ઝડપીને મુખ્ય સુત્રધાર ગણેશ ગીબીયાભાઈ ગામીત અને વિપુલ સોમાભાઈ ગામીતને ઝડપવા માટેના ચક્રો ગતિમાન કર્યા છે. આ મામલે પોલીસે વધુ તપાસ હાથ ધરી છે.