બનાસકાંઠાઃ યુવતીનું અપહરણ કરી સરપંચ પુત્ર સહિત ત્રણ યુવકોએ ગુજાર્યો બળાત્કાર

બનાસકાંઠાઃ થરામાં સરપંચના પુત્ર સહિત ત્રણ યુવકોએ યુવતીનું કારમાં અપહરણ કર્યું હોવાની અને હોટલમાં લઈ જઈને સામૂહિક બળાત્કાર ગુજાર્યો હોવાની ઘટના પ્રકાશમાં આવી છે. આ અંગે યુવતીએ બળાત્કારની ફરિયાદ નોંધાવતા ત્રણેય આરોપીઓ ફરાર થઈ ગયા છે.

આ અંગેની વિગતો એવી છે કે, ભાભર તાલુકાના ગામની યુવતીને થરાના ગણપતસિંહ રાજુસિંહ દરબાર, સઘુભા ચકુભા દરબાર અને વિક્રમસિંહ માધુભા દરબાર લલચાવી-ફોસલાવીને સફેદ કલરની કારમાં ભગાડી ગયા હતા. તેઓ યુવતીને પતંગ હોટલમાં લઈ ગયા હતા અને અહીં જાનથી મારી નાંખવાની ધમકી આપી ત્રણેયે સામૂહિક બળાત્કાર ગુજાર્યો હતો.