વિસનગરની સ્કૂલમાં 3 વર્ષની બાળકીને રૂમમાં લઈ જઈને સિક્યુરિટી ગાર્ડે કર્યાં અડપલાં, જાણો વિગત

પોતાની સાથે બનેલી આ ઘટના અંગે ઘરે આવીને બાળકીએ તેની માતાને જાણ કરી હતી. જ્યારે બીજા દિવસે સંસ્થામાં પ્રોગ્રામ દરમિયાન માતા-પિતા સાથે આવેલી બાળકીએ સિક્યુરિટી કરતા અશોક ધોબીને ઓળખી બતાવ્યો હતો. શનિવાર અને રવિવારના રોજ સ્કૂલ બંધ હોવાથી સોમવારે બાળકીના પરિવારજનો સ્કૂલમાં આવ્યા હતા. જ્યાંથી મામલો પોલીસ મથકે આવતાં પોલીસે બાળકીની માતાની ફરિયાદ આધારે આરોપી અશોકભાઇ બાબુલાલ સામે પોક્સો હેઠળ ગુનો નોંધી પકડી લીધો હતો.

આ બનાવ સ્થળે પંચનામુ સહિતની કામગીરી કરનાર પોલીસે શાળા પાસે સીસીટીવી કેમેરાના ફૂટેજ માગ્યા હતા. પરંતુ બનાવના દિવસે જ શાળાના કેમેરા બંધ હોવાનું જાણવા મળ્યું હતું. શાળા સત્તાધિશો પણ બનાવ સંબંધે કંઈ જાણતા ન હોવાનું રટણ કરતાં પોલીસ વિમાસણમાં મુકાઈ છે.