કોંગ્રેસની ટિકિટ માટે હાર્દિક પટેલ અને અલ્પેશ ઠાકોર વચ્ચે સર્જાયા મતભેત? શું છે સમગ્ર મામલો, જાણો વિગતે

કોંગ્રેસ અને પાસ હજુ સુધી પાટીદાર ઓબીસી અનામત અંગે કોઈ નિર્ણય પર આવી શક્યા નથી ત્યારે પાટીદાર અનામત આંદોલન સમિતિ (પાસ)ના નેતાઓ આ અંગે ચર્ચા કરવા દિલ્હી પહોંચ્યા છે. બીજી તરફ એવી પણ ચર્ચા છે કે પાસના નેતાઓ વિધાનસભાની ચૂંટણીમાં ટિકિટો માટેની ચર્ચા કરવા દિલ્હી ગયા છે અને તેમણે વિધિવત રીતે 10 ટિકિટ માગી છે.

બીજી બાજુ ઓબીસી નેતા અલ્પેશ ઠાકોરે ગત મહિને જ ગાંધીનગરમાં યોજાયેલા એક કાર્યક્રમમાં રાહુલ ગાંધીના હસ્તે કોંગ્રેસનો ખેસ ધારણ કર્યો હતો. અલ્પેશ ઠાકોરે પક્ષને ઉત્તર ગુજરાતની કેટલીક બેઠકો જીતાડવાની ગેરન્ટી આપી હોવાની પણ વાત બહાર આવી હતી. જોકે તે ઉપરાંત તેણે જે બેઠકો માગી છે તે મામલે કોંગ્રેસમાં જ અંદરથી વિરોધ થયો હોવાનો પણ અહેવાલ છે.