સાબરકાંઠાઃ કાર અને ટ્રેક્ટર વચ્ચે ગમખ્વાર અકસ્માત, બે સગા ભાઈના મોત

બંને ભાઈઓ કાર લઈને તલોદના રણાસણ પાસેથી પસાર થઈ રહ્યા હતા, ત્યારે ટ્રેક્ટર સાથે અકસ્માત થતાં કારનો કચ્ચરઘાણ નીકળી ગયો હતો અને બંનેના ઘટનાસ્થળે જ મોત થયા હતા. પોલીસે ઘટનાસ્થળે પહોંચી વધુ કાર્યવાહી હાથ ધરી હતી.

સાબરકાંઠાઃ તલોદના રણાસણ નજીક કાર અને ટ્રેક્ટર વચ્ચે અકસ્માતમાં બે સગા ભાઈનાં મોત થતાં અરેરાટી વ્યાપી ગઈ છે. ધનસુરાના રમોસ ગામના આ બે ભાઈઓ પોતાની જીજે-09,બીએ-7159 નંબરની સ્વીફ્ટ ડિઝાયર કાર લઈને જઈ રહ્યા હતા, ત્યારે તેમને અકસ્માત નડ્યો હતો.