BJP અગ્રણી અને જાણીતા ઉદ્યોગપતિના પુત્ર પર કોને કર્યો છરીથી હુમલો?

જેમાં સાવનને હાથના ભાગે અને રફીકભાઇને પેટના ભાગે ઇજા થતા સારવારમાં ખસેડાયા હતા. નોંધનીય છે કે, લંડનનો એમ.બી.એ.નો અભ્યાસ પૂર્ણ કરી સાવન ગોંડલ પરત ફર્યો છે.

ત્યારે ઘર નજીક રસ્તા પર એક્ટીવા પાર્ક કરીને બેઠેલા ચાર શખ્સોને વાહન રસ્તા વચ્ચેથી દૂર કરવાનું કહેતા ઉશ્કેરાયેલા બે નશાખોર શખ્સે સાવન અને તેના ડ્રાઇવર રફીકભાઇ પર છરીથી હુમલો કરી દીધો હતો.

ગોંડલ: ગોંડલ શહેરમાં કૈલાસબાગ વિસ્તારમાં રહેતા ભાજપ અગ્રણી અને ઉદ્યોગપતિ રમેશભાઇ ધડુકના પુત્ર અને કારચાલક પર રવિવારે રાત્રીના બે નશાખોર શખ્સે છરીથી હુમલો કર્યો હતો. જેના પગલે બન્નેની લોહીલુહાણ હાલતમાં સારવારમાં ખસેડાયા હતા.

પ્રાપ્ત વિગત મુજબ, ગોંડલના ઉદ્યોગપતિ રમેશભાઇ ધડુકના પુત્ર સાવન અને તેના કારચાલક રફીકભાઇ રવિવારે રાત્રીના 11 વાગ્યાના સુમારે ઘરે પરત ફરી રહ્યા હતા.

બનાવની જાણ થતાં હોસ્પિટલ પર લોકોના ટોળાં ઉમટી પડ્યા હતા. તેમજ ગોંડલ પોલીસે હુમલો કરનાર બન્ને શખ્સોની ધરપકડ કરી લીધી છે.