રૂપલ શર્મા જેલમાં જતાં બે બાળકો નોંધારાં, બંને બાળકોની સંભાળ લેવા સરકારે કરી શું વ્યવસ્થા? જાણો વિગત

રૂપલના પિતા એસઆરપીમાં પીએસઆઈ હતા. અગાઉ જ તેના પિતાનું અવસાન થયું હતું. જ્યારે માતા નડિયાદમાં રહે છે અને ભાઈ રેલવે પોલીસમાં નોકરી કરે છે તેવું જાણવા મળ્યું છે.

રૂપલના થોડાક વર્ષ અગાઉ છૂટાછેડા થઈ ચૂક્યા છે અને હાલ તે પોતાના બન્ને બાળકો સાથે ગાંધીનગર હોસ્ટેલમાં રહેતી હતી. જોકે, હવે આ બાળકોનું શું કરવું તે બાબત પોલીસ માટે હાલ વિમાસણરૂપ બની ચૂકી હતી. જોકે, એક બાબત સ્પષ્ટ છે કે, રૂપલે બે બાળકોના નિર્વાહ માટે એલઆરડી પરીક્ષાનું પેપર લીક કર્યું હતું.

શ્રીરામ હોસ્ટેલની રેક્ટર રૂપલ શર્માની ધરપકડ થતાં તેના બે બાળકો નોંધારા બન્યા છે. રૂપલના પિતાનું અગાઉ અવસાન થયું હતું. જ્યારે પતિ સાથે તેણે છૂટાછેડા લીધેલા છે. આ સિવાય રૂપલના અન્ય કોઈ સગા અહીં ન હોવાથી હોસ્ટેલમાં જ રહેતા તેના પુત્ર અને પુત્રીની સંભાલ માટે મહિલા કોસ્ટેબલની નિયુક્તિ કરવામાં આવી છે. જે રૂપલના બન્ને બાળકોની 24 કલાક સાથે રહેશે.

અમદાવાદઃ લોકરક્ષક દળ ભરતી પરીક્ષાના પેપર લીકની આરોપી રૂપલ શર્માની તો હાલ ધરપકડ થઈ ચૂકી છે પરંતુ આ કારણથી તેના બે નાના બાળકો નિરાધાર થઈ ચૂક્યા છે. હાલ આ બંને બાળકોને સંભાળવાની જવાબદારી ગાંધીનગર પોલીસના શિરે જ આવી ગઈ છે. બે બાળકોની સંભાળ માટે 24 કલાક મહિલા કોન્ટેબલ સાથે રહેશે.

રૂપલનો પતિ બૂટલેગર હતો અને તેના ત્રાસથી જ તેણે પતિ પાસેથી છુટાછેડા લઈ લીધા હતા. રૂપલને એક પુત્ર અને એક પુત્રી છે. તેનો પુત્ર આઠમાં ધોરણમાં અભ્યાસ કરે છે જ્યારે પુત્રી છઠ્ઠા ધોરણમાં અભ્યાસ કરે છે.