યુવકે પ્રેમિકાને મોકલ્યો આપઘાતની તૈયારીનો વીડિયો, જાણો પછી શું થયું?

આપઘાત કરનાર યુવક મોડાસાની મેઘરજ ચોકડી બાયપાસ પાસે આવેલી અયોધ્યાપુરીનો રહીશ હતો.તે હિંમતનગર કોલેજમાં બીએડનો અભ્યાસ કરી રહેલા યુવકે તેના બેડરૂમમાં ગળે ફાંસો ખાઇ આત્મહત્યા કરી હતી. પરિવારજનોને શંકા હતી કે આ આત્મહત્યા નહિ પણ કેટલાક શખ્સોએ હત્યા કરી હોવાની ફરિયાદ પોલીસમાં કરી હતી. જે પછી પોલીસે કાર્યવાહી શરૂ કરી હતી. મોત બાદ તેનો મોબાઇલ તપાસતા આ મૃત યુવક ઉપર એક મોબાઈલ નંબર પરથી ધમકીભર્યા અને મા-બાપને ગાળો આપતા મેસેજ મળ્યા હતા. તેમજ પુત્રએ કરેલા આપઘાતનો વીડિયો જોતાં જ પરીવારજનો ચોંકી ઉઠ્યા હતા. પોતાના પુત્ર ને મરવા મજબૂર કરવામાં આવ્યો હોવાનું જણાઇ આવતા તેની સાથે અભ્યાસ કરતી એક યુવતી અને જામગઢ અને વાંટા ગામના શખ્સો સામે આક્ષેપ કર્યા છે. અને આ પ્રકરણે તટસ્થ અને ન્યાયિક તપાસ હાથ ધરવા રૂરલ પોલીસને જાણ કરાઇ હતી.

યુવકના મોબાઇલ ઉપર યુવતી અને તેના મિત્રના મેસેજની 29 મી જાન્યુઆરીએ આપલે થઇ હતી અને ધમકીથી મરવા પ્રેરાયેલા આ યુવકે પોતાના જ અાપઘાતની તૈયારીનો વીડિયો ઉતારી તેની પ્રમિકા યુવતીને મોકલાવ્યો હોવાનું જણાઇ આવ્યું હતું.